मराठी बातम्या / क्रिकेट /
IPL 2025 वेळापत्रक जाहीर! २२ मार्चपासून रंगणार थरार, मुंबईचा पहिलाच सामना चेन्नई सुपरकिंग्जशी
IPL 2025 schedule : २२ मार्च रोजी केकेआर आणि आरसीबी यांच्यातील सलामीच्या सामन्याने यंदाच्या आयपीएल स्पर्धेची सुरुवात होणार आहे. पाहा संपूर्ण वेळापत्रक.
इंडियन प्रीमियर लीग २०२५ चे वेळापत्रक जाहीर झाले आहे. आयपीएलच्या १८ व्या हंगामाची सुरूवात २२ मार्चपासून होणार असून अंतिम सामना २५ मे रोजी होणार आहे. गेल्या तीन वर्षांप्रमाणेच यंदाही आयपीएलमध्ये १० संघांचा समावेश असून एकूण ७४ सामने खेळले जाणार आहेत. इंडियन प्रीमियर लीग (आयपीएल) २०२५ च्या हंगामाची सुरुवात २२ मार्च रोजी गतविजेत्या कोलकाता नाईट रायडर्स (केकेआर) आणि रॉयल चॅलेंजर्स बेंगळुरू (आरसीबी) यांच्यातील सलामीच्या सामन्याने ईडन गार्डन्सवर होणार आहे.
आरसीबीचा कर्णधार म्हणून रजत पाटीदारची घोषणा करण्यात आली आहे, तर केकेआरच्या कर्णधाराची अद्याप घोषणा करण्यात आलेली नाही. आयपीएलचा एल क्लासिको (मुंबई इंडियन्स विरुद्ध चेन्नई सुपर किंग्ज) २३ मार्च रोजी चेन्नईच्या एमए चिदंबरम स्टेडियम उर्फ चेपॉक स्टेडिअमवर होणार आहे.
- मुंबई इंडियन्स आणि सीएसके यांच्यातील दुसरा सांना सामना २० एप्रिल रोजी वानखेडे स्टेडियमवर होणार आहे.
- रॉयल चॅलेंजर्स बेंगळुरू आणि मुंबई इंडियन्स यांच्यात ७ एप्रिल २०२५ रोजी होणार आहे.
- २३ मार्च २०२५ रोजी २०२५ च्या आवृत्तीचा पहिला डबल हेडर पाहायला मिळणार आहे. पहिल्या सामन्यात गेल्या मोसमातील अंतिम फेरीतील सनरायझर्स हैदराबाद आणि राजस्थान रॉयल्स यांच्यात हैदराबादच्या राजीव गांधी आंतरराष्ट्रीय स्टेडियमवर लढत होणार आहे.
- चॅम्पियन्स ट्रॉफीच्या अंतिम सामन्यानंतर १२ दिवसांनी ९ मार्च रोजी १० संघांच्या आयपीएल २०२५ हंगामाला सुरुवात होणार आहे. गुवाहाटी (राजस्थान रॉयल्सचे दुसरे मैदान), धरमशाला (पंजाब किंग्जचे दुसरे मैदान) आणि विशाखापट्टणम (दिल्ली कॅपिटल्सचे दुसरे घरचे ठिकाण) अशा १३ ठिकाणी ही स्पर्धा खेळवली जाईल.
- आयपीएल २०२५ मध्ये ६५ दिवसांत एकूण ७४ सामने खेळवले जातील. १८ मे रोजी साखळी फेरी संपणार आहे. तर प्लेऑफ २० ते २५ मे दरम्यान खेळवले जातील.
- २०२५ च्या मोसमाचा अंतिम सामना २५ मे रोजी ईडन गार्डन्सवर खेळला जाईल. याच मैदानावर २३ मे रोजी क्वालिफायर २ चे आयोजन करण्यात येणार आहे.
- एलिमिनेटर आणि क्वालिफायर १ २० आणि २१ मे रोजी हैदराबादच्या राजीव गांधी आंतरराष्ट्रीय स्टेडियमवर खेळले जातील.
- पंजाब किंग्ज संघ आपले तीन घरगुती सामने धरमशाला येथे खेळेल, तर उर्वरित घरगुती सामने पंजाबमधील मुल्लानपूर येथे खेळवले जातील.
- दिल्ली कॅपिटल्स आणि केकेआरने आयपीएल 2025 साठी अद्याप आपल्या कर्णधाराची घोषणा केलेली नाही
- दिल्ली कॅपिटल्स आणि केकेआर हे दोनच संघ आहेत ज्यांनी स्पर्धेच्या आगामी १८ व्या हंगामासाठी अद्याप आपला कर्णधार जाहीर केलेला नाही.
- रजत पाटीदार आरसीबीचे नेतृत्व करतील, तर पंजाब किंग्जने श्रेयस अय्यरची कर्णधारपदी निवड केली आहे.
- केएल राहुलपासून फ्रँचायझी विभक्त झाल्यानंतर रिषभ पंत लखनौ सुपर जायंट्सचे नेतृत्व करणार आहे.
Shrikant Ashok Londhe
संबंधित बातम्या
विभाग
क्रिकेटच्या बातम्या, पाहण्यासाठी हिंदुस्तान टाइम्स - मराठी वेबसाइट तसेच अॅपवर क्लिक करा.