सीएसकेनं धोनीला रिटेन केलं, पण तो खेळणार का? रिकी पाँटिंगच्या ‘अशा’ वक्तव्यामुळं धाकधूक वाढली

आगामी आयपीएल हंगामात धोनीला काही सामन्यात विश्रांती दिली जाईल, जेणेकरून त्याच्यावरचा ताण कमी होईल, असे पॉन्टिंगला वाटते. आयसीसी रिव्ह्यूच्या नुकत्याच झालेल्या एका एपिसोडमध्ये पाँटिंग म्हणाला की, ‘दोन हंगामापूर्वी धोनीला अपेक्षित कामगिरी करता आली नाही. परंतु, नंतर त्याने कमबॅक केले. त्याने जुन्या एमएस धोनीप्रमाणे काही सामन्यांमध्ये प्रभाव पाडला. मला वाटते आताही तसेच होईल. ते संपूर्ण हंगामात त्यांना काढून टाकू शकत नाहीत. त्याला सामन्यापासून दूर ठेवण्याचा आणि विश्रांती देण्याचा विचार ते करू शकतात.’

Rohit Sharma: रोहित शर्माला कर्णधारपदावरून हटवा, माजी क्रिकेटपटू सुनील गावस्कर असं का म्हणाले? वाचा

धोनीच्या नेतृत्वाखाली सीएसकेने पाच आयपीएल ट्रॉफी जिंकल्या आहेत. आयपीएल २०२४ पूर्वी त्याने सीएसकेचे कर्णधारपद ऋतुराज गायकवाडकडे सोपवले. मात्र, गेल्या मोसमात चेन्नईचा संघ प्लेऑफमध्ये पोहोचण्यात यशस्वी ठरला नाही. सीएसके गुणतालिकेत पाचव्या स्थानावर राहिली. तो कोणत्याही संघात असो, कर्णधार असो वा नसो, तो त्या संघासाठी नेहमीच मार्गदर्शक आणि चांगला लीडर असेल. मग तो खेळत असो किंवा बाहेर बसलेला असो. धोनी चेन्नईसाठी महत्त्वाचा आहे कारण तो मैदानात आणि मैदानाबाहेरही संघाला मार्गदर्शन करताना करताना दिसतो.

धोनीने गेल्या मोसमात खालच्या फळीत खेळताना आपल्या धडाकेबाज फलंदाजीने चाहत्यांचे मनोरंजन केले होते. त्याने १४ सामन्यात ५३.६७ च्या सरासरीने आणि २२०. ५५ च्या जबरदस्त स्ट्राईक रेटने १६१ धावा केल्या आहेत. तो ८ वेळा नाबाद राहिला. इतर दिग्गजांप्रमाणेच धोनीनेही प्रभावी राहण्याचा मार्ग शोधला आहे, असे पॉन्टिंगचे मत आहे. तो आता डावाच्या शेवटच्या २० चेंडूंवर फलंदाजी करत आहे. मात्र, तरीही तो समोरच्या संघावर दबाव टाकण्यात यशस्वी ठरला आहे.