LSG VS PBKS : संजीव गोएंका यांनी ऋषभ पंतला झापलं? सामन्यानंतरचे फोटो व्हायरल, चाहते काय म्हणाले? पाहा

सामना संपल्यानंतर लखनौ सुपर जायंट्सचे संजीव गोयंका हे ऋषभ पंतसोबत मैदानात संवाद साधताना दिसले. यावेळी गोयंका निराश असल्याचे दिसत होते. ड्रेसिंग रूमचा एक फोटोही व्हायरल होत आहे, ज्यामध्ये गोयंका पंतला हात दाखवत काहीतरी बोलत आहेत आणि पंत खाली मान घालून ऐकत आहे. 

विशेष म्हणजे, ऋषभ पंत याचा फॉर्म लखनौ सुपर जायंट्ससाठी चिंतेची बाब आहे. पंजाब किंग्जविरुद्ध तो केवळ २ धावा करून बाद झाला. पहिल्या सामन्यातही १५ धावा करणाऱ्या पंतला दुसऱ्या सामन्यात खातेही उघडता आले नव्हते.

पंत आयपीएल २०२५ चा सर्वात महागडा खेळाडू

पंतला आयपीएल लिलावात विक्रमी रक्कम मिळाली होती, त्याला फ्रँचायझीने २७ कोटी रुपयांना विकत घेतले. तो आयपीएलमध्ये विकला जाणारा सर्वात महागडा खेळाडू आहे.

पराभवामुळे संजीव गोएंका संतापले?

सामना संपल्यानंतर संजीव गोयंका मैदानावर ऋषभ पंतशी बोलताना दिसले, हे दृश्य गेल्या वर्षी केएल राहुल याच्या सोबत घडलेल्या प्रकारासारखेच होते.

त्यावेळी संजीव गोयंका यांच्यावर बरीच टीका झाली होती. गोयंका मंगळवारी ऋषभ पंतला काय म्हणाले? याच माहिती समोर आली नाही, परंतु हे निश्चित आहे की ते पंत आणि संघाच्या कामगिरीवर अजिबात खूश नाहीत. सोशल मीडियावरही याबाबत लोकांकडून वेगवेगळ्या प्रतिक्रिया येत आहेत.

लखनौ सुपर जायंट्सचे ३ सामन्यात २ पराभव

ऋषभ पंत याच्या नेतृत्वाखाली लखनौ सुपर जायंट्सने दिल्ली कॅपिटल्सविरुद्ध पहिला सामना खेळला.  त्या सामन्यात संघाने १ विकेटने विजय मिळवला. यानंतर संघाने सनरायझर्स हैदराबादचा ५ गडी राखून पराभव केला. यानंतर तिसऱ्या सामन्यात श्रेयस अय्यर याच्या नेतृत्वाखालील पंजाब किंग्जने ८ गडी राखून पराभूत केले. लखनौचा पुढील सामना याच मैदानावर (एकना स्टेडियम) मुंबई इंडियन्सविरुद्ध होणार आहे.