मराठी बातम्या  /  क्रिकेट  /  IPL 2024 Qualifier-1 : कुर्सी की पेटी बांध लीजिए…. अहमदाबादेत आज वादळ येणार, क्वालिफायर सामना हे खेळाडू गाजवणार, पाहा

IPL 2024 Qualifier-1 : कुर्सी की पेटी बांध लीजिए…. अहमदाबादेत आज वादळ येणार, क्वालिफायर सामना हे खेळाडू गाजवणार, पाहा

May 21, 2024 10:02 AM IST

KKR VS SRH Qualifier 1 : आयपीएल २०२४ चा पहिला क्वालिफायर सामना सनरायझर्स हैदराबाद आणि कोलकाता नाईट रायडर्स यांच्यात होणार आहे. दोन्ही संघ अहमदाबादच्या नरेंद्र मोदी स्टेडियमवर आमनेसामने येतील.

Kolkata Knight Riders vs Sunrisers Hyderabad, Qualifier 1
Kolkata Knight Riders vs Sunrisers Hyderabad, Qualifier 1

Kolkata Knight Riders vs Sunrisers Hyderabad, Qualifier 1 : आयपीएल २०२४ मध्ये मंगळवारपासून (२१ मे) प्ले ऑफ सामन्यांना सुरुवात होत आहे. यामध्ये लीग टप्प्यात पहिल्या स्थानावर असलेला कोलकाता नाईट रायडर्स आणि दुसऱ्या स्थानावर असलेल्या सनरायझर्स हैदराबाद यांच्यात पहिला क्वालिफायर सामना खेळला जाईल. दोन्ही संघ सांयकाळी ७:३० वाजता अहमदाबादच्या नरेंद्र मोदी स्टेडियमवर आमनेसामने येतील.

ट्रेंडिंग न्यूज

विशेष म्हणजे या दोन्ही संघांनी यंदा जबरदस्त शैली क्रिकेट खेळले आहे. दोन्ही संघांचे फलंदाज पॉवरप्लेमध्येच १०० धावा ठोकण्याच्या तयारीत असतात.

या दोन्ही संघांनी यंदा २०० धावांचा टप्पा सहज पार केला आहे. दोन्ही संघांची गोलंदाजीही उत्कृष्ट आहे. दोन्ही फ्रँचायझींचा संपूर्ण संघ मजबूत आहे. आपण येथे या सामन्यातील टॉप-५ जोडींबद्दल जाणून घेणार आहोत. या जोडींमध्ये पहिल्या क्वालिफायर सामन्यात चुरशीची लढत पाहायला मिळू शकते.

सुनील नरेन-पॅट कमिन्स

कोलकाताचा मेंटर झाल्यानंतर गौतम गंभीरने सुनील नरेनला सलामीवीर बनवले आणि या खेळाडूने दमदार कामगिरी दाखवली. पॉवरप्लेमध्ये नरेनला रोखणे कठीण आव्हान असते. हैदराबादचा कर्णधार पॅट कमिन्सकडे भरपूर अनुभव आहे आणि अशा परिस्थितीत नरेनला रोखण्यात कमिन्सचा अनुभव यशस्वी होतो की नरेन वरचढ ठरतो हे पाहायचे आहे. या मोसमात नरेन ज्या प्रकारची फलंदाजी करत आहे, त्याला रोखणे सोपे नाही.

ट्रॅव्हिस हेड- मिचेल स्टार्क

या मोसमात ट्रॅव्हिस हेड हैदराबादच्या फलंदाजीचा सर्वात महत्त्वाचा दुवा ठरला आहे. या फलंदाजाने आपली झंझावाती शैली दाखवत गोलंदाजांची डोकेदुखी वाढवली. मात्र या खेळाडूला रोखण्यासाठी कोलकाताकडे शस्त्रे आहेत. हेड ऑस्ट्रेलियाचा असून कोलकातामध्ये ऑस्ट्रेलियाचा मिचेल स्टार्क आहे. अशा स्थितीत ही लढत अधिक मनोरंजक होऊ शकते.

अभिषेक शर्मा-हर्षित राणा

हेडला त्याचा सलामीचा जोडीदार अभिषेक शर्माने चांगली साथ दिली. या डावखुऱ्या फलंदाजानेही दमदार फलंदाजी करत झंझावाती पद्धतीने धावा केल्या आहेत. हैदराबादच्या या युवा खेळाडूचा सामना कोलकात्याच्या हर्षित राणा या युवा खेळाडूशी होणार आहे. राणाने या मोसमात चांगली गोलंदाजी केली आहे. त्याने ११ सामन्यात १६ विकेट घेतल्या आहेत. तर अभिषेकने १३ सामन्यात ४६७ धावा केल्या आहेत.

हेनिक क्लासेन- वरुण चक्रवर्ती/नरेन

हेनरिक क्लासेनने अलिकडच्या काळात T20 मधील सर्वात धोकादायक फलंदाज म्हणून स्वतःची ओळख निर्माण केली आहे. तो ज्या सहजतेने चेंडू सीमारेषेबाहेर नेतो ते पाहण्यासारखे असते. या हंगामात हैदराबादला प्लेऑफमध्ये नेण्यात क्लासेनचे योगदान आहे. मात्र, कोलकाताकडे दोन मिस्ट्री फिरकीपटू आहेत जे क्लासेनला रोखू शकतात.

सुनील नरेन आणि वरुण चक्रवर्ती हे मिस्ट्री स्पिनर्स आहेत. दोघांचेही चेंडू समजणे कठीण आहे. क्लासेन मधल्या षटकांमध्ये फलंदाजीसाठी येतो आणि अशा परिस्थितीत त्याला या दोघांचा सामना करावा लागू शकतो.

आंद्रे रसेल-टी नटराजन

आंद्रे रसेलची झंझावाती फलंदाजी काय कहर करू शकते हे सर्वांनी पाहिले आहे. रसेलची बॅट चालली तर कोलकाताचा धावफलक वेगाने धावेल. रसेल संघाच्या फिनिशरची भूमिका बजावत आहे आणि अशा परिस्थितीत त्याला हैदराबादचा स्टार डेथ बॉलर टी नटराजनचा सामना करावा लागेल. नटराजन हे त्याच्या अचूक यॉर्कर्ससाठी ओळखला जातो. या दोघांमधील सामना पाहण्यासारखा होईल, हे निश्चित.

टी-२० वर्ल्डकप २०२४