Yuvraj Singh Biopic : टीम इंडियाच्या या क्रिकेटपटूंवर बनल्या आहेत बायोपिक, एका महिला खेळाडूचाही समावेश, पाहा

या स्पर्धेदरम्यान युवराज कॅन्सरशी लढा देत होता. विश्वचषक जिंकल्यानंतर युवराज सिंगला कॅन्सर झाल्याचे जगाला कळले. रिअल लाइफ हिरो युवराज सिंगने कॅन्सरशी लढाई जिंकली आणि क्रिकेटमध्येही पुनरागमन केले. युवराजच्या संघर्षाची ही कहाणी आता मोठ्या पडद्यावर दिसणार आहे.

दिग्गज क्रिकेटर युवराज सिंगच्या बायोपिकची घोषणा टी-सीरीजचे मालक भूषण कुमार यांनी केली आहे. भूषण कुमार आणि रवी भागचंदका याची निर्मिती करणार आहेत. 

युवीच्या आधी अनेक क्रिकेटर्सच्या बायोपिक बनल्या आहेत. यामध्ये मोहम्मद अझरुद्दीन, सचिन तेंडुलकर, प्रवीण तांबे, धोनी आणि मिताली राज यांचा समावेश आहे.

कौन प्रवीण तांबे?

देशांतर्गत क्रिकेटचा नायक प्रवीण तांबेला कधीही आंतरराष्ट्रीय क्रिकेटमध्ये पदार्पण करण्याची संधी मिळाली नाही. मात्र, त्याने आयपीएलमध्ये आश्चर्यकारक कामगिरी केली आहे. कौन प्रवीण तांबे? या सिनेमात त्याची भूमिका श्रेयस तळपदेने केली आहे.

सचिन अ बिलियन ड्रीम्‍स

क्रिकेटचा देव म्हटल्या जाणाऱ्या सचिन तेंडुलकरवर 'सचिन अ बिलियन ड्रीम्स' नावाचा डॉक्युमेंट्री बनवण्यात आली आहे, मात्र या डॉक्युमेंट्रीला प्रेक्षकांचे फारसे प्रेम मिळाले नाही.

अझहर

भारताचा माजी कर्णधार मोहम्मद अझरुद्दीनच्या जीवनावर चित्रपट बनवण्यात आला आहे. अझहर नावाच्या या चित्रपटात इमरान हाश्मीने माजी भारतीय कर्णधाराची भूमिका साकारली आहे.

८३

कपिल देव यांच्या नेतृत्वाखाली भारतीय संघाने १९८३ मध्ये प्रथमच एकदिवसीय विश्वचषक जिंकला होता. भारताचा हा विजय आणि महान कर्णधार कपिल देव यांची कहाणी दिग्दर्शक कबीर सिंग यांनी मोठ्या पडद्यावर चित्रित केली आहे.

एमएस धोनी द अनटोल्ड स्टोरी

भारताच्या सर्वात यशस्वी कर्णधारांपैकी एक असलेल्या महेंद्रसिंग धोनीचा बायोपिक 'एमएस धोनी द अनटोल्ड स्टोरी' मोठ्या पडद्यावर आला आहे. यामध्ये धोनीची भूमिका दिवंगत अभिनेता सुशांत सिंग राजपूतने केली होती. या चित्रपटात सुशांत व्यतिरिक्त अनुपम खेर, दिशा पटानी आणि कियारा अडवाणी मुख्य भूमिकेत होते. चित्रपटाचे दिग्दर्शक नीरज पांडे होते.

शाबाश मिठ्ठू

भारतीय महिला क्रिकेट संघाची माजी कर्णधार मिताली राज हिच्या जीवनावरही मोठ्या पडद्यावर चित्रीकरण करण्यात आले आहे. शाबाश मिठू असे त्याच्या बायोपिकचे नाव आहे. हा चित्रपट २०२२ मध्ये प्रदर्शित झाला होता. चित्रपटाचे दिग्दर्शक सृजित मुखर्जी आहेत.