IND vs AUS : पहिल्याच सत्रात विराट-गिलसह टॉप ४ फलंदाज तंबूत, पिंक बॉल कसोटीत टीम इंडियाचा रेकॉर्ड कसा आहे?

पिंक बॉल टेस्टमध्ये टीम इंडिया पुन्हा एकदा ढेपाळताना दिसत आहे. याआधी टीम इंडियाने पिंक बॉल टेस्ट २०२० मध्ये ऑस्ट्रेलियन भूमीवर खेळली होती. विशेष म्हणजे, तो सामनाही ॲडलेडमध्येच झाला होता. त्या सामन्यातील दुसऱ्या डावात भारतीय संघ अवघ्या ३६ धावांत गारद झाली होती.

IND vs AUS : चेंडू खूप स्लो होता म्हणणाऱ्या जैस्वालला स्टार्कनं दिला दणका, पहिल्याच चेंडूवर तंबूत पाठवलं

अशा स्थितीत पिंक बॉल टेस्टमध्ये टीम इंडियाचा आतापर्यंत काय रेकॉर्ड राहिला आहे, हे जाणून घेऊया.

चारपैकी तीन कसोटी भारताने जिंकल्या

टीम इंडियाने आतापर्यंत गुलाबी चेंडूच्या ४ कसोटी खेळल्या आहेत. चारपैकी भारताने ३ सामने जिंकले आहेत. पिंक बॉल कसोटीत टीम इंडियाचा एकमेव पराभव २०२० मध्ये ॲडलेडमध्ये ऑस्ट्रेलियाविरुद्ध झाला होता.  

अशा परिस्थितीत ऑस्ट्रेलियाविरुद्धच्या दुसऱ्या गुलाबी चेंडू कसोटीत टीम इंडिया कशी कामगिरी करते हे पाहणे उत्सुकतेचे ठरणार आहे.

पिंक बॉल टेस्टमध्ये भारताची सर्वोच्च आणि निच्चांकी धावसंख्या

पिंक बॉल कसोटीत टीम इंडियाने बांगलादेशविरुद्ध खेळल्या गेलेल्या सामन्यात आपली सर्वोच्च धावसंख्या केली. कोलकाता येथे बांगलादेशविरुद्ध खेळल्या गेलेल्या पिंक बॉल कसोटीत भारताने ९ बाद ३४७ धावा केल्या होत्या. तर टीम इंडियाने पिंक बॉल टेस्टमध्ये सर्वात कमी ३६ धावा ऑस्ट्रेलियाविरुद्ध केल्या होत्याय

पिंक बॉल कसोटीत भारतासाठी सर्वाधिक धावा

पिंक बॉल कसोटीत भारतासाठी सर्वाधिक धावा विराट कोहलीने केल्या आहेत. कोहलीने आतापर्यंत ४६.१६ च्या सरासरीने २७७ धावा केल्या आहेत. त्यानंतर रोहित शर्मा या यादीत दुसऱ्या क्रमांकावर आहे.

Bhanu Pania : भानू पनिया कोण आहे? ज्याने १५ षटकारांसह अवघ्या २० चेंडूत ११० धावांचा पाऊस पाडला

रोहितने आत्तापर्यंत गुलाबी चेंडूच्या तीन कसोटी खेळल्या आहेत, ज्यात त्याने ४३.२५ च्या सरासरीने १७३ धावा केल्या आहेत. यानंतर श्रेयस अय्यर तिसऱ्या क्रमांकावर आहे. अय्यरने १ पिंक बॉल कसोटी खेळली, ज्यात त्याने ७९.५० च्या सरासरीने १५९ धावा केल्या.