मराठी बातम्या  /  क्रिकेट  /  IND vs SA Final : राखीव दिवशीही भारत-आ्फ्रिका अंतिम सामना झाला नाही, तर चॅम्पियन कोण? ICC चा नियम काय?

IND vs SA Final : राखीव दिवशीही भारत-आ्फ्रिका अंतिम सामना झाला नाही, तर चॅम्पियन कोण? ICC चा नियम काय?

Jun 28, 2024 05:54 PM IST

india vs south africa t20 world cup final : सुपर ओव्हर न झाल्यास भारत आणि दक्षिण आफ्रिका यांना संयुक्त विजेता घोषित केले जाईल. T20 वर्ल्ड कपच्या १७ वर्षांच्या इतिहासात आजपर्यंत एकही संयुक्त विजेता झालेला नाही.

IND vs SA Final : राखीव दिवशीही भारत-आ्फ्रिका अंतिम सामना झाला नाही, तर चॅम्पियन कोण? ICC चा नियम काय?
IND vs SA Final : राखीव दिवशीही भारत-आ्फ्रिका अंतिम सामना झाला नाही, तर चॅम्पियन कोण? ICC चा नियम काय?

टी-20 विश्वचषक २०२४ चा अंतिम सामना (२९ जून) बार्बाडोस येथील केन्सिंग्टन ओव्हल स्टेडियमवर खेळवला जाईल. भारत आणि दक्षिण आफ्रिका यांच्यात ही विजेतेपदाची लढत शनिवारी होणार आहे. मात्र आतापर्यंत विश्वचषकातील अनेक सामने पावसामुळे वाहून गेले आहेत.

अशा स्थितीत २९ जून रोजीदेखील बार्बाडोसमध्ये पाऊस पडण्याची शक्यता आहे. ३० जून हा अंतिम सामन्यासाठी राखीव दिवस म्हणून ठेवण्यात आला आहे.

ट्रेंडिंग न्यूज

भारत-दक्षिण आफ्रिका सामन्यात पाऊस पडला तर

भारत विरुद्ध दक्षिण आफ्रिका अंतिम सामन्याच्या दिवशी बार्बाडोसमध्ये पावसाची शक्यता ७५% आहे. पावसामुळे किंवा इतर कारणांमुळे अंतिम सामन्याला उशीर झाल्यास, त्याच दिवशी सामना पूर्ण करण्यासाठी १९० मिनिटांचा अतिरिक्त वेळ लागू केला जाईल.

दोन्ही संघ प्रत्येकी किमान १० षटके खेळतील तेव्हाच सामन्याचा निकाल लावला जाणार आहे. जर दोन्ही संघ किमान १०-१० षटके खेळू शकले नाहीत तर सामना राखीव दिवशी खेळवला जाईल.

राखीव दिवशीही पाऊस पडला तर

आयसीसीच्या नियमानुसार अंतिम सामना न झाल्यास किंवा टाय झाल्यास सुपर ओव्हर घेण्यात येते. राखीव दिवशीही सामना पूर्ण होऊ शकला नाही. तसेच, सुपर ओव्हरदेखील शक्य नसेल तर तर अंतिम सामन्याचा निकाल 'नो रिझल्ट' म्हणून घोषित केला जाईल.

सुपर ओव्हर न झाल्यास भारत आणि दक्षिण आफ्रिका यांना संयुक्त विजेता घोषित केले जाईल. T20 वर्ल्ड कपच्या १७ वर्षांच्या इतिहासात आजपर्यंत एकही संयुक्त विजेता झालेला नाही.

WhatsApp channel