IND vs PAK : भारताची प्रथम गोलंदाजी, पाकिस्तानच्या प्लेइंग इलेव्हनमध्ये मोठा बदल, पाहा

पाकिस्तानी संघात एक बदल करण्यात आला आहे. न्यूझीलंडविरुद्धच्या सामन्यात सलामीवीर फखर जमान याला दुखापत झाली होती. यामुळे फखर स्पर्धेतून बाहेर पडला. 

फखरच्या जागी सलामीवीर इमाम उल हक या सामन्यात खेळत आहे. भारतीय संघात कोणताही बदल झालेला नाही. जो संघ बांगलादेशविरुद्ध पहिल्या सामन्यात खेळायला आला होता तोच संघ या सामन्यात खेळत आहे.

दोन्ही प्लेइंग इलेव्हन

टीम इंडियाची प्लेइंग इलेव्हन: रोहित शर्मा (कर्णधार), शुभमन गिल, विराट कोहली, श्रेयस अय्यर, अक्षर पटेल, केएल राहुल (यष्टीरक्षक), हार्दिक पंड्या, रवींद्र जडेजा, हर्षित राणा, मोहम्मद शमी, कुलदीप यादव.

पाकिस्तानची प्लेइंग इलेव्हन: इमाम-उल-हक, बाबर आझम, सौद शकील, मोहम्मद रिझवान (यष्टीरक्षक/कर्णधार), सलमान आगा, तय्यब ताहिर, खुशदिल शाह, शाहीन आफ्रिदी, नसीम शाह, हरिस रौफ, अबरार अहमद.

दुबईत भारतीय संघाचा रेकॉर्ड कसा आहे?

दुबई आंतरराष्ट्रीय स्टेडियममध्ये भारताने एकूण ७ एकदिवसीय सामने खेळले आहेत. यापैकी भारताने ६ सामने जिंकले आहेत तर फक्त १ सामना गमावला आहे. लक्ष्याचा पाठलाग करताना भारताने ६ पैकी ५ सामने जिंकले आहेत.

दुबईच्या पीचची मदत कोणाला?

दुबईच्या खेळपट्टीबद्दल बोलायचे झाले तर ती फलंदाजांना अधिक मदत करते. तथापि, येथे फिरकीपटूंची भूमिका मोठी असते कारण मधल्या फळीत धावा काढणे येथे कठीण काम असते. प्रथम फलंदाजी करणाऱ्या संघाने ३२५ धावांपर्यंत मजल मारली तर दुसऱ्या डावात फलंदाजी करणाऱ्या संघावर दबाव वाढेल.