मराठी बातम्या  /  क्रिकेट  /  IND vs ENG Semi Final : सेमीफायनलचा सामना न झाल्यास भारत थेट फायनलध्ये जाणार; पण कसा? जाणून घ्या सर्व नियम

IND vs ENG Semi Final : सेमीफायनलचा सामना न झाल्यास भारत थेट फायनलध्ये जाणार; पण कसा? जाणून घ्या सर्व नियम

Jun 27, 2024 02:20 PM IST

T20 World Cup 2024 IND vs ENG : भारत आणि इंग्लंड यांच्यातील उपांत्य फेरीच्या सामन्यादरम्यान पावसाची शक्यता आहे. पावसामुळे सामन्यावर परिणाम झाला तर निर्धारित वेळेनंतर षटकांची कपात सुरू होईल.

IND vs ENG Semi Final : राखीव दिवस नाही, सामना झाला नाही तर भारत फायनलध्ये, आजच्या सामन्याचे सर्व नियम जाणून घ्या
IND vs ENG Semi Final : राखीव दिवस नाही, सामना झाला नाही तर भारत फायनलध्ये, आजच्या सामन्याचे सर्व नियम जाणून घ्या (AP)

टी-20 विश्वचषक २०२४ चा दुसरा उपांत्य सामना (२७ जून) भारत आणि इंग्लंड यांच्यात काही तासांमध्ये खेळवला जाणार आहे. या स्पर्धेतील पहिला उपांत्य सामना दक्षिण आफ्रिका आणि अफगाणिस्तान यांच्यात झाला. दक्षिण आफ्रिकेने तो जिंकून अंतिम फेरीत धडक मारली. या सामन्यासाठी राखीव दिवस ठेवण्यात आला होता. मात्र भारत-इंग्लंड उपांत्य फेरीसाठी राखीव दिवस ठेवण्यात आलेला नाही.

जर सामन्यादरम्यान पाऊस पडला तर अडचणी येऊ शकतात. मात्र आयसीसीने या सामन्यासाठी अतिरिक्त वेळ ठेवला आहे. यासोबतच षटकांच्या कपातीबाबतचे नियमही स्पष्ट करण्यात आले आहेत.

ट्रेंडिंग न्यूज

भारत-इंग्लंड सेमी फायनलसाठी राखीव दिवस नाही

भारत आणि इंग्लंड यांच्यातील सामना गयाना येथे होणार आहे. या सामन्यादरम्यान पावसाची शक्यता आहे. नाणेफेकीपूर्वी पाऊस पडल्यास सामना लांबणीवर पडू शकतो. महत्त्वाची बाब म्हणजे या सामन्यासाठी कोणताही राखीव दिवस ठेवण्यात आलेला नाही. सेमीफायनल आणि फायनल मॅचमध्ये फक्त एका दिवसाचं अंतर आहे. या कारणास्तव यासाठी राखीव दिवस ठेवण्यात आला नाही.

षटकं कमी करण्यास कधी सुरू होईल?

भारत आणि इंग्लंड यांच्यातील उपांत्य फेरीच्या सामन्यासाठी बराच अतिरिक्त वेळ ठेवण्यात आला आहे. हा सामना भारतीय वेळेनुसार रात्री ८ वाजल्यापासून खेळवला जाणार आहे. पाऊस सतत पडत राहिल्यास आणि तो थांबला नाही तर १२.१० नंतर षटके कमी करण्यास सुरुवात होईल.

१०-१० षटकांच्या सामन्यांसाठीही कटऑफ वेळ निश्चित

भारत आणि इंग्लंड यांच्यात पाऊस पडल्यास १०-१० षटकांचा सामनाही खेळवला जाऊ शकतो. यासाठी रात्री ०१.४४ वाजता कट ऑफची वेळ निश्चित करण्यात आली आहे. याशिवाय अनेक प्रकारचे नियमही घालून दिले आहेत.

सामना झाला नाही तर भारत फायलनमध्ये

पावसामुळे भारत-इंग्लंड सामना रद्द झाला, तर त्याचा फायदा रोहित शर्माच्या संघाला होईल. टीम इंडिया फायनलमध्ये पोहोचेल आणि इथे त्यांचा सामना दक्षिण आफ्रिकेशी होईल. 

भारत सुपर-८ च्या गुणतालिकेत अव्वल आहे, अशा स्थितीत अव्वल असलेल्या संघाला थेट फायनलमध्ये जाण्याची संधी मिळले.

WhatsApp channel