Ind vs Ban : बांगलादेशचा 'हा' फलंदाज टीम इंडियाला नेहमी नडतो, भारताविरुद्ध अनेक शतकं-अर्धशतकं ठोकली

आतापर्यंत दोन्ही देशांदरम्यान ८ कसोटी मालिका खेळल्या गेल्या आहेत, ज्यामध्ये प्रत्येक वेळी टीम इंडियाविरुद्ध धावा करणारा एक फलंदाज आहे.

मुशफिकूर रहीम भारतीय गोलंदाजांना नडतो

मुशफिकुर रहीम असे या खेळाडूचे नाव असून तो २००५ पासून बांगलादेशकडून कसोटी सामने खेळत आहे. त्याने भारताविरुद्ध आतापर्यंत एकूण ७ कसोटी सामने खेळले असून, १५ डावात त्याने ६०४ धावा केल्या आहेत. या काळात रहीमने भारताविरुद्ध २ शतके आणि २ अर्धशतकेही झळकावली आहेत.

बांगलादेश-भारत कसोटी मालिकेतील आतापर्यंतच्या इतिहासात मुशफिकुर रहीम हा दुसरा सर्वाधिक धावा करणारा फलंदाज आहे.

भारत आणि बांगलादेश यांच्यातील सर्व ८ मालिकांमध्ये सचिन तेंडुलकर हा सर्वाधिक धावा करणारा फलंदाज होता. त्याने ७ सामन्यांच्या ९ डावात १३६.६६ च्या सरासरीने ८२० धावा केल्या होत्या. या यादीत त्याच्यानंतर ६०४ धावा करणाऱ्या मुशफिकुर रहीमचे नाव आहे.

जर रहीमने आगामी मालिकेत आणखी २२१ धावा केल्या तर तो भारत-बांग्लादेश मालिकेच्या इतिहासात सर्वाधिक धावा करणारा फलंदाज ठरेल.

विराट कोहलीने आतापर्यंत बांगलादेशविरुद्धच्या ६ सामन्यांच्या ९ डावात ४३७ धावा केल्या आहेत. या काळात त्याने २ शतकी खेळीही खेळली आहे. दुसरीकडे, रोहित शर्माचा बांगलादेशविरुद्धचा कसोटी रेकॉर्ड खूपच खराब आहे कारण तो ३ सामन्यात केवळ ३३ धावा करू शकला आहे, ज्यामध्ये त्याची सर्वोच्च धावसंख्या २१ आहे.