Kl Rahul : स्टार्कने विकेट घेतली नाही, तर केएल राहुलने गिफ्ट दिली, असं कोणी बाद होतं का? पाहाच!
KL Rahul Wicket, Ind vs Aus : सिडनी कसोटीतही केएल राहुल स्वस्तात बाद झाला. या सामन्यात तो सलामीला आला होता. राहुलला १४ चेंडूत केवळ ४ धावा करता आल्या.
India vs Australia Sydney Test : ऑस्ट्रेलियाचा स्टार गोलंदाज मिचेल स्टार्क याने पुन्हा एकदा चमत्कार दाखवला. पाठदुखीमुळे तो भारताविरुद्धच्या सिडनी कसोटीत खेळणार नव्हता. मात्र, सामन्याच्या एक दिवस आधी त्याला फिट घोषित करण्यात आले. या सामन्यात भारतीय संघाने टॉस जिंकून प्रथम फलंदाजी करण्याचा निर्णय घेतला.
केएल राहुलने विकेट फेकली
पाचव्या षटकातील मिचेल स्टार्कचा चेंडू केएल राहुलच्या पॅडवर गेला. हा चेंडू फ्लिक करून तो चौकार सहज काढू शकला असता. पण राहुलने चेंडू थेट स्क्वेअर लेगवर क्षेत्ररक्षण करणाऱ्या सॅम कॉन्स्टासच्या हातात मारला.
राहुलच्या बॅटमधून १४ चेंडूत फक्त ४ धावा आल्या. ३२ वर्षीय राहुलने २०१५ मध्ये सिडनी क्रिकेट मैदानावर आपल्या कसोटी कारकिर्दीतील पहिले शतक झळकावले होते.
सामन्याच्या सुरुवातीच्या षटकांमध्ये विकेट घेण्यासाठी आणि खालच्या फळीतील फलंदाजांना लवकर बाद करण्यासाठी ऑस्ट्रेलियन संघ स्टार्कवर खूप अवलंबून असतो. फॉरमॅट कोणताही असो, स्टार्क नेहमीच संघासाठी महत्त्वाचा ठरतो. राहुलला बाद करून त्याने आपली उपयुक्तता पुन्हा एकदा सिद्ध केली.
केएल राहुल सलामीला आला
मेलबर्नमध्ये झालेल्या मालिकेतील चौथ्या सामन्यात केएल राहुल तिसऱ्या क्रमांकावर फलंदाजीसाठी आला होता. त्या सामन्यात यशस्वी जैस्वालसोबत कर्णधार रोहित शर्माने डावाची सुरुवात केली. सलग तीन सामन्यांत अपयशी ठरल्यानंतर या सामन्यात रोहितला प्लेइंग इलेव्हनमध्ये स्थान मिळाले नाही.
त्याच्या जागी जसप्रीत बुमराह कर्णधार आहे. मालिकेतील पहिल्या तीन सामन्यात राहुल सलामीला आला होता पण त्याला मोठी खेळी खेळता आली नाही. मेलबर्नमध्येही दोन्ही डावात त्याच्या बॅटमधून एकही धाव आली नाही.
दोन्ही प्लेइंग इलेव्हन
ऑस्ट्रेलिया- सॅम कोन्स्टास, उस्मान ख्वाजा, मार्नस लॅबुशेन, स्टीव्हन स्मिथ, ट्रॅव्हिस हेड, ब्यू वेबस्टर, अॅलेक्स कॅरी (विकेटकीपर), पॅट कमिन्स (कर्णधार), मिचेल स्टार्क, नॅथन लियॉन, स्कॉट बोलँड.
भारत- यशस्वी जैस्वाल, केएल राहुल, शुभमन गिल, विराट कोहली, ऋषभ पंत (विकेटकीपर), रवींद्र जडेजा, नितीश कुमार रेड्डी, वॉशिंग्टन सुंदर, जसप्रीत बुमराह (कर्णधार), प्रसिध कृष्णा, मोहम्मद सिराज.
संबंधित बातम्या