BGT 2024-25 : यंदा भारताचा दबदबा संपवणार, बॉर्डर-गावस्कर ट्रॉफीमध्ये भारताला हरवून इतिहास रचणार, स्मिथची सिंहगर्जना

दरम्यान, या मालिकेच्या तीन महिन्यांपूर्वीपासूनच ऑस्ट्रेलियन खेळाडूंनी शाब्दिक जंग सुरू केली आहे. ऑस्ट्रेलियाचा महान फलंदाज स्टीव्ह स्मिथने मोठे वक्तव्य केले आहे.

ऑस्ट्रेलियाचा स्टार फलंदाज स्टीव्ह स्मिथने आगामी बॉर्डर-गावस्कर ट्रॉफीसाठी स्वत:ला तयार केले आहे. गेल्या दशकापासून ऑस्ट्रेलियन संघ भारताविरुद्ध कसोटी मालिका जिंकू शकला नाही. आता याची भरपाई करण्यासाठी स्मिथने मालिका जिंकण्याचे आव्हान स्वीकारले आहे.

मालिका चुरशीची होईल- स्मिथ

यावेळी, १९९१-९२ नंतर प्रथमच, बॉर्डर-गावस्कर ट्रॉफी ५ सामन्यांची कसोटी मालिका म्हणून खेळवली जाईल. स्टीव्ह स्मिथने ईएसपीएनक्रिकइन्फोला सांगितले की, प्रत्येक संघाला एवढ्या मोठ्या मालिकेत स्वत:ला सिद्ध करावे लागेल. तो म्हणाला- "५ सामन्यांच्या मालिकेत तुम्ही लपून राहू शकत नाही, जसे तुम्ही कदाचित दोन सामन्यांच्या मालिकेत करू शकता.

जर एखाद्या खेळाडूने तुमच्यावर वर्चस्व गाजवले तर पुनरागमन करणे कठीण होऊ शकते. ही एक रोमांचक मालिका असेल."

भारताचा दबदबा संपवणार

स्टीव्ह स्मिथसाठी ही मालिका विशेष महत्त्वाची आहे, कारण गेल्या १० वर्षांपासून ऑस्ट्रेलियाला भारताविरुद्ध ट्रॉफी जिंकण्यात अपयश आले आहे. तो म्हणाला- "आम्ही सध्याच्या घडीला कसोटी क्रिकेटमधील दोन सर्वोत्तम संघ आहोत. आम्ही गेल्या वर्षी वर्ल्ड टेस्ट चॅम्पियनशिपची फायनल खेळलो आणि तिथे जिंकलो. यावेळी आम्हाला घरच्या मैदानावर फासे फिरवायचे आहेत. आम्हाला बॉर्डर जिंकायची आहे- गावसकर ट्रॉफीला १० वर्षे झाली आहेत, त्यामुळे या वर्षी आम्हाला ते करायचे आहे.

बॉर्डर-गावस्कर ट्रॉफीमध्ये भारताची कामगिरी

ऑस्ट्रेलियाने २०१४-१५ मध्ये भारताविरुद्ध बॉर्डर-गावस्कर ट्रॉफी २-० ने जिंकली होती, परंतु त्यानंतर सलग ४ मालिका गमावल्या आहेत. यापैकी दोन पराभव घरच्या मैदानावर झाले आहेत. २०१८-१९ मध्ये विराट कोहलीच्या संघाविरुद्ध आणि २०२०-२१ मध्ये अजिंक्य रहाणेच्या संघाविरुद्ध.

२०२३ मध्ये रोहित शर्माच्या नेतृत्वाखाली भारताने ऑस्ट्रेलियाला कडवी टक्कर दिली होती, पण यानंतर ऑस्ट्रेलियाने वर्ल्ड टेस्ट चॅम्पियनशिपची अंतिम फेरी जिंकली होती.