IND vs AUS : भारत-ऑस्ट्रेलिया सेमी फायनल नवीन पीचवर होणार, फिरकीला मदत मिळेल की नाही? पाहा

मात्र, आज दुबईची खेळपट्टी कशी असेल? फलंदाज सहज धावा करतील की गोलंदाजांना मदत मिळेल? तसेच भारत-ऑस्ट्रेलिया उपांत्य फेरीचा सामना कोणत्या खेळपट्टीवर खेळवला जाईल? असे प्रश्न चाहत्यांच्या मनात पडले आहेत.

नव्या पीचवर होणार सामना

मीडिया रिपोर्ट्सनुसार, भारत-ऑस्ट्रेलिया सेमीफायनल नवीन खेळपट्टीवर खेळवली जाईल. मैदान तेच असेल पण सामना नव्या खेळपट्टीवर खेळवला जाईल.

अशा स्थितीत ही खेळपट्टी बांगलादेश, पाकिस्तान आणि न्यूझीलंडविरुद्ध झालेल्या सामन्याप्रमाणे असणार नाही. या खेळपट्टीच्या स्वरुपात बदल होणार आहे. त्याच वेळी, आयसीसीच्या देखरेखीखाली, अमिराती क्रिकेट बोर्डाने नवीन खेळपट्टी तयार केली आहे. तसेच ऑस्ट्रेलियाचा मॅथ्यू सँडरी हा क्युरेटरच्या भूमिकेत आहे.

असे झाले तर टीम इंडियाला मोठा धक्का बसेल

वास्तविक टीम इंडिया न्यूझीलंडविरुद्ध ४ फिरकीपटूंसह उतरली होती. त्या सामन्यात वरुण चक्रवर्ती, कुलदीप यादव, रवींद्र जडेजा आणि वरुण चक्रवर्ती प्लेइंग इलेव्हनचा भाग होते. नवीन खेळपट्टी असेल तर फिरकीपटूंना चेंडू फिरवणे सोपे जाणार नाही. 

अशा स्थितीत भारतीय संघासाठी हा मोठा धक्का मानला जाईल, कारण फिरकी गोलंदाजी ही भारतीय संघाची मजबूत बाजू राहिली आहे. याआधी वरुण चक्रवर्तीने न्यूझीलंडविरुद्ध ५ बळी घेतले होते. खेळपट्टीच्या स्वरुपात बदल झाल्यास वरुण चक्रवर्तीसह अन्य भारतीय फिरकीपटूंच्या अडचणी वाढतील.