भारतीय खेळाडू पाकिस्तानशी खेळण्यासाठी जीव सोडतायत, पण…; शोएब अख्तरनं आता भारत सरकारला वादात ओढलं!

एका टीव्ही शोमध्ये तो बोलत होता. 'पाकिस्तानात खेळण्यासाठी पाकिस्तानपेक्षा भारताचे खेळाडूच जास्त जीव सोडतायत. विराट कोहलीला पाकिस्तानात खेळण्याची तीव्र इच्छा आहे. बीसीसीआयचीही इच्छा आहे. मी त्यांच्यासोबत काम करतो, मला माहीत आहे. मी तुम्हाला खरं सांगतोय. भारतीय संघ पाकिस्तानात आला तर तिथल्या टीव्ही वाहिन्यांचं चांगभलं होईल. जाहिरातींचे दर गगनाला भिडतील. जगभरातून प्रायोजक येतील. ते येत नाहीत, त्यामुळं प्रायोजकत्वही येत नाही, असं तो म्हणाला.

हेही वाचा: सचिनला पाहून भर कार्यक्रमात भावूक झाला विनोद कांबळी; हातच सोडत नव्हता!

हे सगळं माहीत असूनही भारतीय संघ पाकिस्तानात का येत नाही असा प्रश्न अँकरनं विचारला त्यावर शोएब अख्तरनं भारत सरकारकडं बोट दाखवलं. ‘भारत सरकारचा विरोध असल्यामुळं क्रिकेट संघ पाकिस्तानात येत नाही,’ असं शोएब अख्तर म्हणाला.

पाकिस्तान क्रिकेट बोर्डाला (PCB) चॅम्पियन्स ट्रॉफी २०२५ चं यजमानपद मिळालं असलं तरी भारतीय क्रिकेट नियामक मंडळानं (BCCI) भारतीय संघ पाकिस्तानात सामने खेळण्यासाठी जाणार नसल्याचं स्पष्ट केलं आहे. त्यामुळं चॅम्पियन्स ट्रॉफीसाठी हायब्रीड मॉडेल ठरवण्यात आलं होतं. पाकिस्तान क्रिकेट बोर्डानं त्यास आक्षेप घेतला होता, मात्र नंतर पीसीबीनं नेहमीप्रमाणे माघार घेतली आणि आता ही स्पर्धा हायब्रीड मॉडेलमध्ये खेळवली जाणार आहे.

हेही वाचा : 'गुलाबी शरारा' गाण्यावर धोनीचे ठुमके; डान्स व्हिडिओ सोशल मीडियावर व्हायरल

भारत आणि पाकिस्तानमधील राजकीय संबंध चांगले नाहीत आणि याचा परिणाम क्रिकेट संबंधांवरही झाला आहे. भारत आणि पाकिस्तान यांच्यात द्विपक्षीय मालिका खेळल्या जात नाहीत आणि दोन्ही संघ केवळ आयसीसी स्पर्धांमध्ये आमने-सामने येत असतात.

जिथं म्हणतील तिथं पाकिस्तानी संघाना भारताला मारून यावं!

शोएब अख्तर यानं याआधीही भारत-पाकिस्तानमधील क्रिकेट विषयी बोलताना वादग्रस्त वक्तव्य केलं होतं. चॅम्पियन्स ट्रॉफीचं हायब्रीड मॉडेल पूर्वनियोजित असल्याचं तो म्हणाला. त्यामुळं आगामी काळात पाकिस्तानला आयसीसीच्या कोणत्याही स्पर्धेत सहभागी होण्यासाठी भारतात जायचं असेल तर त्यांनी नक्की जावं आणि भारताला भारतातंच मारून यावं, असं तो म्हणाला होता.