Duleep Trophy : मयंक अग्रवालच्या भारत अ संघाने दुलीप ट्रॉफी जिंकली, साई साई सुदर्शनचं शतक व्यर्थ

शेवटच्या फेरीच्या सामन्यात मयंक अग्रवालच्या नेतृत्वाखालील भारत अ संघाने इंडिया क संघाचा १३२ धावांनी पराभव केला. 

या सामन्याच्या शेवटच्या सत्रात भारत अ संघाला भारत क संघाच्या ७ विकेट्स घ्यायच्या होत्या. अशा स्थितीत भारत अ संघाच्या गोलंदाजांनी दमदार कामगिरी केली आणि सर्व विकेट्स घेत सामना आणि स्पर्धा जिंकली. भारत अ संघाने गुणतालिकेत १२ गुणांसह अव्वल स्थान पटकावले.

भारत अ संघाच्या  शाश्वत रावतने पहिल्या डावात शतक आणि दुसऱ्या डावात अर्धशतक झळकावले. त्याला सामनावीर म्हणून निवडण्यात आले.

दुलीप ट्रॉफीच्या शेवटच्या फेरीतूनच विजेता निश्चित होणार होता. यावेळी ही स्पर्धा नव्या फॉरमॅटमध्ये खेळवण्यात आली. एकही बाद फेरीचे सामने झाले नाहीत, गुणतालिकेत अव्वल असलेल्या संघाला चॅम्पियन घोषित करण्यात आले.

साई सुदर्शनचे शतक व्यर्थ 

सामन्याच्या चौथ्या डावात भारत क संघाला विजयासाठी ३५० धावांचे लक्ष्य मिळाले होते. सलामीवीर आणि कर्णधार ऋतुराज गायकवाड याने ४४ धावांची खेळी केली. तिसऱ्या क्रमांकावर आलेल्या साई सुदर्शनने शतक झळकावले. त्याने २०६ चेंडूत १११ धावांची खेळी केली. 

मात्र इतर कोणताही फलंदाज खेळला नाही. तळाच्या ८ फलंदाजांपैकी ७ फलंदाजांना दुहेरी आकडाही गाठता आला नाही. यातील शेवटचे तीन फलंदाज तर शुन्यावर बाद झाले.

भारत अ संघाकडून प्रसिध कृष्णा आणि तनुष कोटियन यांनी ३-३ फलंदाज बाद केले. आकिब खानने दोन गडी बाद केले.

भारत अ वि भारत क हायलाईट्स

तत्पूर्वी, भारत अ संघाने प्रथम फलंदाजी करताना २९७ धावा केल्या होत्या. शाश्वत रावतने १२४ धावांची खेळी केली. प्रत्युत्तरात भारत क संघ केवळ २३४ धावा करू शकला. त्यांच्याकडून अभिषेक पोरेलने सर्वाधिक ८२ धावा केल्या. यानंतर भारत अ संघाने २८६ धावांवर आपला दुसरा डाव घोषित केला. भारत क संघाला विजयासाठी ३५० धावांची गरज होती.

मात्र, त्यांच्या ठराविक अंतराने विकेट पडत राहिल्या. सुदर्शन व्यतिरिक्त इतर कोणत्याही फलंदाजाला मोठी खेळी खेळता आली नाही.

दुसऱ्या डावात तिसऱ्या क्रमांकावर फलंदाजी करणारा सुदर्शन २०६ चेंडूत १११ धावा करून प्रसिद्ध कृष्णाच्या चेंडूवर बाद झाला. त्याच्याशिवाय भारत क संघाच्या एकाही फलंदाजाला अर्धशतकही करता आले नाही. कर्णधार ऋतुराज गायकवाडने ९३ चेंडूत ४४ धावा केल्या. त्याने ५ चौकार मारले.

भारत ब वि. भारत ड संघ

अन्य एका सामन्यात भारत डी संघाने भारत ब संघाचा २५७ धावांनी पराभव केला. रविवारी, सामन्याच्या चौथ्या आणि शेवटच्या दिवशी भारत ब संघ ३७३ धावांच्या लक्ष्याचा पाठलाग करताना ११५ धावांवर सर्वबाद झाला. भारत डी संघाचा वेगवान गोलंदाज अर्शदीप सिंगने दुसऱ्या डावात ६ बळी घेतले.

पहिल्या डावात भारत ड संघाने ३४९ धावा केल्या आणि भारत ब संघाने २८२ धावा केल्या. दुसऱ्या डावात भारत ड संघाने ३०५ धावा केल्या आणि पहिल्या डावातील ६७ धावांच्या आघाडीच्या आधारे भारत ब संघाला विजयासाठी ३७३ धावांचे लक्ष्य दिले. प्रत्युत्तरात भारत ब संघ ११५ धावांत ऑलआऊट झाला.

भारत डी संघाकडून अर्शदीप सिंग आणि आदित्य ठाकूर यांनी दुसऱ्या डावात ४ बळी घेतले. भारत ब तर्फे नितीश कुमार रेड्डी यांनी सर्वाधिक ४० धावा केल्या. नितीशशिवाय एकाही फलंदाजाला मोठी खेळी खेळता आली नाही.

रिकी भुईने भारत डी संघाकडून दुसऱ्या डावात ११९ धावांची नाबाद खेळी केली. श्रेयस अय्यरने ५० आणि संजू सॅमसनने ४५ धावा केल्या. इंडिया ब कडून मुकेश कुमारने ३ आणि नवदीप सैनीने ३ बळी घेतले.

पहिल्या डावात ड संघाकडून संजू सॅमसनचं शतक

पहिल्या डावात २१६ धावांच्या स्कोअरवर भारत ड संघाने ५ विकेट गमावल्या होत्या. त्यानंतर संजू सॅमसनने संघाची धुरा सांभाळली. सॅमसनने १०६ धावा, रिकी भुईने ५६  धावा, केएस भरतने ५२ धावा आणि देवदत्त पडिक्कलने ५० धावा केल्या. भारत ब संघाकडून नवदीप सैनीने ५ तर लेगस्पिनर राहुल चहरने ३ बळी घेतले. तर मुकेश कुमारला १ विकेट मिळाली.

भारत ब संघाकडून पहिल्या डावात कर्णधार अभिमन्यू इसवरनने ११६ धावा केल्या आणि वॉशिंग्टन सुंदरनने ८७ धावा केल्या. भारताकडून सौरभ कुमारने ५ बळी घेतले. अर्शदीप सिंगने ३ तर आदित्य ठाकरेने २ बळी घेतले.