IND vs SL : रिंकू सिंग-सूर्याने गोलंदाजीनं फिरवला सामना, हरलेला सामना भारताने सुपर ओव्हरमध्ये जिंकला

भारतीय संघाने मालिकेतील पहिला सामना ४३ धावांनी जिंकला होता. यानंतर भारताने दुसरा सामना ७ विकेटने जिंकून मालिकेवर कब्जा केला. आता तिसरा सामनाही जिंकून त्यांनी क्लीन स्वीप केला आहे. 

तिसऱ्या सामन्याच्या सुपर ओव्हरमध्ये भारतीय संघाला ३ धावांचे लक्ष्य मिळाले. महिष तिक्षीनाच्या पहिल्याच चेंडूवर चौकार मारून सूर्याने सामना जिंकला.

श्रीलंकेची सुपर ओव्हर (वॉशिंग्टन सुंदर) 

पहिला चेंडू: वाइड

दुसरा चेंडू: कुसल मेंडिसने १ धाव घेतली

तिसरा चेंडू : कुसल परेरा झेलबाद.

चौथा चेंडू: कुसल मेंडिस झेलबाद.

रिंकू-सूर्याने शेवटच्या २ षटकांत २-२ बळी घेतले

या मालिकेतील शेवटचा सामना पल्लेकेले आंतरराष्ट्रीय क्रिकेट स्टेडियमवर खेळला गेला, ज्यामध्ये भारतीय संघाने नाणेफेक गमावून प्रथम फलंदाजी करताना १३७ धावांचे लक्ष्य ठेवले होते. प्रत्युत्तरात श्रीलंकेच्या संघानेही ८ गडी गमावून १३७ धावा केल्या आणि सामना बरोबरीत सुटला. संघाकडून कुसल परेराने ४६ आणि कुसल मेंडिसने ४३ धावा केल्या.

तर पथुम निसांकाने २६ धावा केल्या. याशिवाय बाकीचे फलंदाज नुसतेच येत-जात होते. 

विशेष म्हणजे रिंकू सिंगने भारतीय संघासाठी १९ वे षटक टाकले, ज्यात त्याने २ बळी घेतले. श्रीलंकेला १२ षटकात १० धावा करायच्या होत्या. त्यानंतर शेवटच्या षटकात श्रीलंकेला ६ धावांची गरज असताना सूर्या स्वतः गोलंदाजीसाठी आला. त्याने २ बळी घेत या षटकात केवळ ५ धावा दिल्या आणि हातातून गेलेला सामना बरोबरीत सोडवला.

त्याआधी भारताने टॉस गमावून प्रथम फलंदाजी करताना २० षटकात ९ बाद १३८ धावा केल्या होत्या. भारताकडून शुभमन गिलने ३९, रियान परागने २६ आणि वॉशिंग्टन सुंदरने २५ धावा केल्या.