U19 Asia Cup Final : भारत-बांगलादेश आशिया कपच्या फायनलमध्ये भिडणार, सामना किती वाजता सुरू होणार? जाणून घ्या
U19 Asia Cup 2024 Final : भारताने श्रीलंकेचा पराभव केला असून बांगलादेशने पाकिस्तानचा पराभव करून अंडर-19 आशिया कप 2024 च्या अंतिम फेरीत आपले स्थान निश्चित केले आहे. आता ८ डिसेंबरला दोन्ही संघांमध्ये विजेतेपदाचा सामना रंगणार आहे.
U19 Asia Cup 2024 Final Where to Watch : अंडर-१९ आशिया कप २०२४ ही स्पर्धा आता अंतिम टप्प्यात आली आहे. या स्पर्धेचा अंतिम सामना दुबई आंतरराष्ट्रीय क्रिकेट स्टेडियमवर रविवारी (८ डिसेंबर) खेळला जाणार आहे. अंडर १९ आशिया कप २०२४ च्या फायनलमध्ये भारत आणि बांगलादेश आमनेसामने येतील.
दोन्ही संघांनी उपांत्य फेरीत चमकदार कामगिरी करत जेतेपदाच्या लढतीत आपले स्थान पक्के केले.
सेमी फायनलमध्ये भारताने श्रीलंकेचा धुव्वा उडवला
भारतीय संघाने उपांत्य फेरीत श्रीलंकेचा ८ गडी राखून पराभव करत आपली दमदार दावेदारी सादर केली. १३ वर्षीय युवा खेळाडू वैभव सूर्यवंशी याने चमकदार कामगिरी करत संघाला विजयापर्यंत नेले. १७४ धावांचे लक्ष्य केवळ २१.४ षटकांत पूर्ण करण्यात त्याने महत्त्वाची भूमिका बजावली.
या विजयासह भारताने विक्रमी नवव्यांदा अंडर-१९ आशिया कपच्या अंतिम फेरीत धडक मारली आहे.
बांगलादेशने पाकिस्तानला धुळ चारली
दुसरीकडे, बांगलादेशने उपांत्य फेरीत पाकिस्तानचा ७ विकेट्स राखून पराभव केला. संघाचा कर्णधार मोहम्मद अझीझुल हकीम तमीमने शानदार खेळी करत संघाला अंतिम फेरीत नेले. यावेळी बांगलादेशचा संघ इतिहास रचण्याच्या इराद्याने अंतिम सामन्यात प्रवेश करेल.
अंडर १९ आशिया कपची फायनल कधी आणि कुठे होणार?
अंडर-१९ आशिया कप २०२४ चा अंतिम सामना ८ डिसेंबर २०२४ रोजी भारतीय वेळेनुसार सकाळी १०:३० वाजता सुरू होईल.
भारतीय चाहत्यांना या सामन्याचे थेट प्रक्षेपण सोनी स्पोर्ट्स नेटवर्कवर पाहता येईल. याशिवाय SonyLIV ॲप आणि वेबसाइटवरही लाईव्ह स्ट्रीमिंगचा आनंद घेता येईल.
भारत आणि बांगलादेशचे संघ
भारतीय संघ
मोहम्मद अमन (कर्णधार), आयुष म्हात्रे, वैभव सूर्यवंशी, सी आंद्रे सिद्धार्थ, किरण चोरमले (उपकर्णधार), प्रणव पंत, हरवंशसिंग पनगालिया (यष्टीरक्षक), अनुराग कवडे (यष्टीरक्षक), हार्दिक राज, मोहम्मद इनान, केपी कार्तिकेय, समर्थ नागराज, युधाजित गुहा, चेतन शर्मा, निखिल कुमार.
बांगलादेशचा संघ
जवाद अबरार, कलाम सिद्दीकी अलिन, मोहम्मद अझीझुल हकीम तमीम (कर्णधार), मोहम्मद शिहाब जेम्स, मोहम्मद रिझान हसन, मोहम्मद फरीद हसन फैसल (विकेटकीपर), देबाशीष सरकार देबा, मोहम्मद समीन बसीर रातुल, मारूफ मृधा, अल फहाद, इक्बाल हुसैन इमन, अश्रफुझमान बोरेनो, मोहम्मद रिफत बेग, साद इस्लाम रझीन, मोहम्मद रफी उज्जमन रफी.
संबंधित बातम्या