Ind vs Aus : ४४८३ चेंडू आणि १४४५ दिवसांनंतर बुमराहने षटकार खाल्ला, १९ वर्षांच्या सॅम कॉन्स्टासनं भीतीच संपवली!

क्रिकेट विश्वातील एखादा फलंदाज जसप्रीत बुमराहची धुलाई करतोय, हे तुम्ही पाहिले आहे का? हे क्वचितच ऐकायला मिळते. कसोटीत तर असे घडतच नाही, पण आज मेलबर्नमध्ये हे घडले आहे. १९ वर्षांच्या सॅम कॉन्स्टास याने जसप्रीत बुमराहची धुलाई केली.

सॅम कॉन्स्टास आणि कोहली एकमेकांना धडकले, नंतर वाद सुरू झाला, ख्वाजा आणि पंचांनी प्रकरण मिटवलं, व्हिडीओ पाहा

सॅम कॉन्स्टास हा जसप्रीत बुमराहच्या पाठीमागेच लागल होता, त्याने बुमराहविरुद्ध रिव्हर्स स्वीपद्वारे विकेटच्या मागे आणि समोरच्या दिशेने अगदी सहज धावा केल्या. बऱ्याच काळानंतर बुमराह फलंदाजाविरुद्ध संघर्ष करताना दिसला. कॉन्स्टासने एका षटकात १४ आणि एका षटकात १८ धावा दिल्या. या दोन षटकांमध्ये सॅमने ४ चौकार आणि २ षटकार मारले.

बुमराहने ३ वर्षांनंतर कसोटी क्रिकेटमध्ये षटकार खाल्ला

जसप्रीत बुमराहने कसोटी क्रिकेटमध्ये ३ वर्षांनंतर आणि ४४८३ चेंडूंनंतर षटकार खाल्ला आहे. याआधी २०२१ मध्ये सिडनी येथे झालेल्या कसोटीत त्याच्याविरुद्ध शेवटचा षटकार मारला गेला होता. त्याच्याविरुद्ध कॅमेरून ग्रीनने षटकार ठोकला होता.

Sam Konstas : डेब्यू सामन्यात सॅम कॉन्स्टासचे वादळी अर्धशतक, बुमराहला स्विच हिटद्वारे लगावले चौकार-षटकार

जस्सीला कसोटीत दोन षटकार मारणारा कॉन्स्टास हा जॉस बटलरनंतरचा दुसरा फलंदाज ठरला आहे. २०१८ मध्ये, बटलरने ओव्हलवर बुमराहला २ षटकार ठोकले होते.

कसोटीत बुमराहला षटकार ठोकणारे फलंदाज

एबी डिव्हिलियर्स- २०१८, केप टाऊन

आदिल रशीद- २०१८, नॉटिंगहॅम

मोईन अली- २०१८, साउथॅम्प्टन

जोस बटलर- २०१८, द ओव्हल

जोस बटलर- २०१८, द ओव्हल

नॅथन लियॉन- २०२०, मेलबर्न

कॅमेरॉन ग्रीन- २०२१, सिडनी

सॅम कॉन्स्टास- २०२४, मेलबर्न

सॅम कॉन्स्टास- २०२४, मेलबर्न

सॅम कॉन्स्टासने कसोटी पदार्पणातच अर्धशतक ठोकले

सॅम कॉन्स्टासने कसोटी पदार्पणात झंझावाती अर्धशतक ठोकले. त्याने अवघ्या ५२ चेंडूत आपले अर्धशतक पूर्ण केले. मात्र, कॉन्स्टास ६६ चेंडूत ६० धावा करून बाद झाला. या खेळीत त्याने ६ चौकार आणि २ षटकार मारले. कॉन्स्टासला रवींद्र जडेजाने पायचीत केले.