BGT 2024 : भारत-ऑस्ट्रेलिया मालिकेत पुजाराला मिळाली खास जबाबदारी, या नव्या भूमिकेत दिसणार
BGT 2024 News In Marathi : चेतेश्वर पुजाराच्या संदर्भात एक महत्त्वाची बातमी समोर आली आहे. एका रिपोर्टनुसार, पर्थ कसोटीदरम्यान पुजारा कॉमेंट्री बॉक्समध्ये दिसू शकतो.
Cheteshwar Pujara IND vs AUS : टीम इंडियाचा दमदार फलंदाज चेतेश्वर पुजारा एका नव्या भूमिकेत दिसणार आहे. भारत आणि ऑस्ट्रेलिया यांच्यातील कसोटी मालिकेतील पहिला सामना पर्थ येथे होणार आहे. हा सामना २२ नोव्हेंबरपासून होणार आहे. या सामन्यादरम्यान पुजारा कॉमेंट्री बॉक्समध्ये दिसू शकतो.
मात्र याबाबत अधिकृत माहिती समोर आलेली नाही. पुजाराने टीम इंडियासाठी १०३ कसोटी सामने खेळले आहेत.
पुजाराने भारताकडून शेवटचा कसोटी सामना ऑस्ट्रेलियाविरुद्ध खेळला होता. जून २०२३ नंतर तो टीम इंडियामध्ये परत येऊ शकला नाही. पुजाराकडे आता नव्या जबाबदारीसह पाहिले जाऊ शकते. मीडिया रिपोर्ट्सनुसार, पुजारा स्टार स्पोर्ट्ससाठी हिंदी कॉमेंट्री करू शकतो.
मात्र, याबाबत अद्याप कोणतीही अधिकृत प्रतिक्रिया आलेली नाही. पुजारा हा भारताचा अनुभवी फलंदाज आहे. त्याचा कसोटीत चांगला रेकॉर्ड आहे.
रोहितशिवाय टीम इंडिया मैदानात उतरणार?
रोहित शर्माशिवाय टीम इंडिया पर्थ कसोटीत मैदानात उतरू शकते. रोहित पर्थ कसोटी खेळणार नाही. त्यांच्या पत्नीने एका मुलाला जन्म दिला आहे. त्यामुळे रोहितला कुटुंबासोबत वेळ घालवायचा आहे. ॲडलेड कसोटीतून तो मैदानात परतू शकतो. रोहितच्या अनुपस्थितीत जसप्रीत बुमराह टीम इंडियाचे नेतृत्व करणार आहे.
पुजाराची आतापर्यंतची कसोटी कारकीर्द
पुजाराने २०१० मध्ये टीम इंडियासाठी पदार्पणाचा सामना खेळला होता. तर शेवटचा सामना २०२३ मध्ये खेळला. पुजाराने टीम इंडियासाठी आतापर्यंत १०३ सामने खेळले आहेत. या दरम्यान त्याने ७१९५ धावा केल्या आहेत. त्याने भारतासाठी द्विशतकही झळकावले आहे.
पुजाराने कसोटीत १९ शतके आणि ३५ अर्धशतके केली आहेत. त्याची सर्वोत्तम धावसंख्या २०६ धावा आहे. पण त्याला आता कसोटी संघात स्थान दिले जात नाही. अशातच आता पुजारा क्रिकेटनंतर कॉमेंट्री करताना दिसू शकतो.
