IND vs SL : जिओ-हॉटस्टार नाही तर येथे फ्रीमध्ये दिसणार भारत-श्रीलंका वनडे सामना, आज विराट-रोहित खेळणार

या सामन्याद्वारे रोहित शर्मा आणि विराट कोहलीसारखे वरिष्ठ आणि स्टार खेळाडू संघात पुनरागमन करतील. अशा स्थितीत तुम्हाला एकदिवसीय मालिकेतील पहिला सामना कधी, कुठे आणि विनामूल्य कसा पाहता येईल, हे येथे जाणून घेऊया.

भारत-श्रीलंका पहिला वनडे सामना कधी?

भारत आणि श्रीलंका यांच्यातील तीन एकदिवसीय सामन्यांच्या मालिकेतील पहिला सामना आज रविवार (२ ऑगस्ट) होणार आहे. सामना दुपारी अडीच वाजता सुरू होईल, तर नाणेफेक दुपारी दोन वाजता होईल.

भारत-श्रीलंका पहिला वनडे सामना कुठे होणार?

भारत आणि श्रीलंका यांच्यातील वनडे मालिकेतील पहिला सामना कोलंबोच्या आर प्रेमदासा स्टेडियमवर खेळवला जाणार आहे. वनडे मालिकेतील तिन्ही सामने आर प्रेमदासा स्टेडियमवर खेळवले जातील.

भारत-श्रीलंका पहिला वनडे टीव्हीवर लाईव्ह टेलिकास्ट कुठे होईल?

भारत आणि श्रीलंका यांच्यात खेळल्या जाणाऱ्या वनडे मालिकेतील पहिला सामना सोनी स्पोर्ट्स नेटवर्कद्वारे भारतात टीव्हीवर थेट प्रक्षेपित केला जाईल.

भारत-श्रीलंका वनडेची लाइव्ह स्ट्रीमिंग कुठे पाहणार?

भारत आणि श्रीलंका यांच्यातील पहिल्या एकदिवसीय सामन्याचे लाईव्ह स्ट्रीमिंग सोनी लाइव्ह ॲपद्वारे भारतात केले जाईल. तथापि, जर तुम्ही Jio वापरकर्ता असाल तर तुम्ही Jio TV वर सामना विनामूल्य पाहू शकता.

एकदिवसीय मालिकेसाठी भारतीय संघ

रोहित शर्मा (कर्णधार), शुभमन गिल (उपकर्णधार), विराट कोहली, केएल राहुल (यष्टीरक्षक), ऋषभ पंत (यष्टीरक्षक), श्रेयस अय्यर, शिवम दुबे, कुलदीप यादव, मोहम्मद सिराज, वॉशिंग्टन सुंदर, अर्शदीप सिंग, रियान पराग, अक्षर पटेल, खलील अहमद, हर्षित राणा.

एकदिवसीय मालिकेसाठी श्रीलंकेचा संघ

चारिथ असलंका (कर्णधार), पथुम निसांका, अविष्का फर्नांडो, कुसल मेंडिस, सदिरा समरविक्रमा, कामिंदू मेंडिस, जेनिथ लियांगे, निशान मदुष्का, वानिंदू हसरंगा, दुनिथ वेलालगे, चमिका करुणारत्ने, महिश थिक्षाना, अकिला धनंजय, दिलशान मदुशंका, मथिशा पाथिराना, असिथा फर्नांडो.