Ranji Trophy : चेतेश्वर पुजाराचं आणखी एक शतक, ब्रायन लाराचा रेकॉर्ड मोडला, आता टीम इंडियात कमबॅक होणार?

ब्रायन लाराचा विक्रम मोडला

ब्रायन लाराने आपल्या कारकिर्दीत ६५ प्रथम श्रेणी शतके झळकावली होती. पुजाराने ६६ वे प्रथम श्रेणी शतक झळकावून वेस्ट इंडिजच्या माजी दिग्गजाचा विक्रम मोडला. या शतकासह पुजाराने २१ हजार प्रथम श्रेणी धावाही पूर्ण केल्या.

पुजारा बऱ्याच काळापासून टीम इंडियातून बाहेर 

पुजारा बऱ्याच दिवसांपासून टीम इंडियातून बाहेर आहे. त्याने भारतासाठी १००  हून अधिक कसोटी खेळल्या आहेत. पुजाराने शेवटचा सामना जून २०२३ मध्ये खेळला होता. यानंतर तो टीम इंडियामध्ये स्थान मिळवण्यासाठी सातत्याने प्रयत्न करत आहे. याआधीही पुजाराने अनेक वेळा शानदार खेळी केली आहे, मात्र त्याला टीम इंडियामध्ये स्थान मिळाले नाही. सध्या भारतीय कसोटी संघात अधिकाधिक युवा खेळाडूंना संधी दिली जात आहे.

पुजाराची आंतरराष्ट्रीय कारकीर्द 

पुजाराने आतापर्यंत १०३ कसोटी आणि ५ एकदिवसीय सामने खेळले आहेत. कसोटीच्या १७६ डावांमध्ये त्याने ४३.६० च्या सरासरीने ७१९५ धावा केल्या आहेत. या दरम्यान, त्याने १९ शतके आणि ३५ अर्धशतके केली आहेत, ज्यामध्ये त्याची सर्वोच्च धावसंख्या २०६* धावा आहे.

याशिवाय पुजाराने वनडेच्या ५ डावात ५१ धावा केल्या. पुजाराने २००१ मध्ये ऑस्ट्रेलियाविरुद्ध बेंगळुरू येथे खेळल्या गेलेल्या कसोटीतून आंतरराष्ट्रीय क्रिकेटमध्ये पदार्पण केले.