ENG VS SA : इंग्लंड-आफ्रिका लढतीवर अफगाणिस्तानची नजर, पावसामुळे सामना रद्द झाला तर सेमी फायनल कोण खेळणार? पाहा

याच जागेसाठी दक्षिण आफ्रिका आणि अफगाणिस्तान यांच्यात चुरस रंगली आहे. चॅम्पियन्स ट्रॉफीचे अनेक सामने पावसाने वाया गेले आहेत. अशा परिस्थितीत आज इंग्लंड आणि दक्षिण आफ्रिका यांच्यातील सामन्यात पाऊस पडला तर समीकरणात काय बदल होणार हे जाणून घेणे महत्त्वाचे आहे.

पाऊस कोणाचा खेळ बिघडवणार?

शुक्रवारी ऑस्ट्रेलिया आणि अफगाणिस्तान यांच्यातील सामन्यातही पावसाने अडथळला आणला. त्यामुळे सेमी फायनलचा चौथा संघ अद्याप ठरला नाही.

जर आज इंग्लंड आणि दक्षिण आफ्रिका यांच्यातील सामन्यात पाऊस खलनायक ठरला तर अफगाणिस्तानसाठी ही वाईट गोष्ट असेल, कारण पावसामुळे सामना वाय गेल्यास दक्षिण आफ्रिकेला १ गुण मिळेल आणि त्यांचे ४ गुण होतील. अशा स्थितीत ते ब गटात अव्वल स्थानावर पोहोचतील. यासह अफगाणिस्तान संघ बाहेर पडेल आणि दक्षिण आफ्रिकेला उपांत्य फेरीचे तिकीट मिळेल.

आफ्रिकेला पावसामुळे नुकसान होणार नाही

दक्षिण आफ्रिकेचा नेट रनरेट सध्या ब गटात सर्वोत्तम आहे. अशा स्थितीत आजच्या सामन्यात पावसाचा धोका असला तरी दक्षिण आफ्रिकेच्या संघाला कोणतीही अडचण येणार नाही. तो सहज गटात अव्वल ठरेल आणि ऑस्ट्रेलियाचा संघ दुसऱ्या क्रमांकावर असेल.

आजच्या सामन्यात दक्षिण आफ्रिकेला फक्त एकच गोष्ट लक्षात ठेवावी लागेल ती म्हणजे इंग्लंडविरुद्ध २०७ धावांच्या फरकाने हरता कामा नये. तर इंग्लंडचा संघ दुसऱ्या डावात खेळायला आला तर त्यांना ११.१ षटकांत लक्ष्याचा पाठलाग करण्यापासून रोखावे लागेल.

कराचीमध्ये आझ हवामान कसे आहे?

शुक्रवारी कराचीतील हवामानाबद्दल बोलायचे झाले तर आज दिवसभर ऊन राहील आणि पावसाची शक्यता नाही. सामन्यादरम्यान तापमान २० अंशांच्या आसपास असेल. अशा स्थितीत सामना पूर्ण होणे अपेक्षित आहे.