मराठी बातम्या  /  क्रिकेट  /  Sourav Ganguly: विराट कोहलीनंतर रोहित शर्माला कर्णधार का बनवलं? सौरव गांगुलीनं सांगितलं कारण

Sourav Ganguly: विराट कोहलीनंतर रोहित शर्माला कर्णधार का बनवलं? सौरव गांगुलीनं सांगितलं कारण

Ashwjeet Rajendra Jagtap HT Marathi
Feb 29, 2024 10:38 PM IST

Sourav Ganguly On Rohit Sharma Captaincy: स्टार फंलदाज विराट कोहलीने राजीनामा दिल्यानंतर रोहित शर्माच्या खांद्यावर भारतीय क्रिकेट संघाची जबाबदारी का सोपवण्यात आली? यामागचे कारण बीसीसीआयचे माजी अध्यक्ष सौरव गांगुली यांनी सांगितले आहे.

Former India skipper Virat Kohli was replaced by Rohit Sharma under Sourav Ganguly’s watch
Former India skipper Virat Kohli was replaced by Rohit Sharma under Sourav Ganguly’s watch (AFP)

इंग्लंडविरुद्ध पाच सामन्यांच्या कसोटी मालिकेतील पहिला सामना गमावल्यानंतर रोहित शर्माच्या नेतृत्त्वाखाली भारतीय संघाने पुढील तिन्ही सामने जिंकून मालिका खिशात घातली. रोहितच्या नेतृत्वाखाली भारती संघाने घरच्या भूमीवर सलग १७वी कसोटी मालिका जिंकली. याच पार्श्वभूमीवर भारतीय नियामक मंडळाचे माजी अध्यक्ष सौरव गांगुलीने विराट कोहलीनंतर रोहित शर्माला कर्णधार का बनवण्यात आले, यामागचे कारण सांगितले आहे.

गांगुलीने यापूर्वी कोहलीला कर्णधारपदावरून हटवले नसल्याचे स्पष्ट केले होते. बीसीसीआयमध्ये असताना गांगुली म्हणाला की, “सर्वोच्च क्रिकेट बोर्डाने कोहलीला टी-२० कर्णधारपद सोडण्याचा पुनर्विचार करण्यास सांगितले. कर्णधार म्हणून कोहलीच्या शेवटच्या टी-२० सामन्यात भारताला टी-२० विश्वचषकातील साखळी फेरीत पोहोचण्यात अपयश आले. कोहलीच्या जागी रोहितने भारताचा टी-20 कर्णधार पद भूषवल्यानंतर आशियाई दिग्गज्जांनी २०२२ मध्ये विश्वचषकाच्या उपांत्य फेरीत प्रवेश केला. वर्षभरानंतर भारताने आयसीसी वर्ल्ड टेस्ट चॅम्पियनशिपची फायनल ऑस्ट्रेलियाविरुद्ध खेळली. रोहितच्या नेतृत्वाखाली यजमान भारताने २०२३ च्या आयसीसी विश्वचषकाच्या आवृत्तीत ही परिपूर्ण शतकी खेळी केली होती.”

Most Powerful Indians : भारतीय क्रिकेटमध्ये जय शाह सर्वात जास्त पॉवरफुल, विराट-धोनीचा नंबर कितवा? पाहा

कोहलीने राजीनामा दिल्यानंतर गांगुलीची तात्काळ योजना ठीक नव्हती. मात्र, आयसीसी स्पर्धांमध्ये भारताचा करंडकाचा दुष्काळ संपुष्टात आणण्यात रोहित अँड कंपनी अपयशी ठरली. २०२३ च्या विश्वचषकाच्या अंतिम सामन्यात भारताला ऑस्ट्रेलियाने पराभूत केले होते. भारत आणि इंग्लंड यांच्यातील पाच सामन्यांच्या मालिकेदरम्यान रोहितच्या कर्णधारपदाबद्दल बोलताना बीसीसीआयचे माजी अध्यक्ष गांगुली यांनी कबूल केले की, हा वरिष्ठ फलंदाज ज्या प्रकारे भारतीय संघाचे नेतृत्व करत होता, त्याबद्दल मला आश्चर्य वाटले नाही. रोहितची टीम इंडिया आयसीसी वर्ल्ड कपमधील सर्वोत्कृष्ट संघ असल्याचा दावाही माजी भारतीय कर्णधाराने केला.

“विश्वचषकात त्याने ज्या प्रकारे कर्णधारपद भूषवले ते बघा. भारताला अंतिम फेरीत नेले. अंतिम सामना पराभूत होईपर्यंत भारत हा स्पर्धेतील सर्वोत्तम संघ होता, असे मला वाटते. त्यामुळे तो एक चांगला कर्णधार आहे, आयपीएलमध्येही त्यांने मुंबईच्या संघाचे नेतृत्त्व केले आहे. मी बीसीसीआयचा अध्यक्ष असताना तो कर्णधार झाला आणि त्याने ज्या प्रकारे संघाचे नेतृत्व केले आहे. त्याबद्दल मला आश्चर्य वाटत नाही. मी त्याला भारतीय कर्णधार बनवले कारण मी त्याच्यातील प्रतिभा पाहिली आणि त्याने जे केले त्याबद्दल मला आश्चर्य वाटले नाही”, असे गांगुलीने म्हटले आहे.

IPL_Entry_Point