Team India : शाळा न शिकलेले क्रिकेटपटू टीम इंडियात येताच अस्खलित इंग्रजी कसं काय बोलतात? गुपित जाणून घ्या

अशा स्थितीत बऱ्याच खेळाडूंचे शिक्षण झालेले नसते, यामुळे त्यांना इंग्रजी बोलण्यास अडचणी येतात. पण टीम इंडियात आल्यानंतर काही वर्षांत त्यांच्या इंग्रजीमध्ये बरीच सुधारणा होते आणि ते चांगली इंग्रजी बोलायला लागतात. 

चला तर मग जाणून घेऊया की भारतीय संघात सामील झाल्यानंतर कमी शिकलेले क्रिकेटपटू चांगले इंग्रजी कसे बोलू लागतात.

भारतीय क्रिकेट नियामक मंडळ (BCCI) खेळाडूंचे व्यक्तिमत्त्व सुधारण्यासाठी वेळोवेळी इंग्रजी भाषेचे वर्ग आयोजित करत असते. देशांतर्गत पंचांसाठीही अशी सत्रे आयोजित करण्यात आली आहेत.

मंडळ आपल्या खेळाडूंच्या व्यक्तिमत्त्व विकासाकडे खूप लक्ष देते. २०१५ मध्ये, बीसीसीआयने अंपायर्सना इंग्रजी प्रशिक्षण देण्यासाठी ब्रिटिश कौन्सिलच्या सहकार्याने एक कोर्स सुरू केला होता.

धोनीलाही इंग्लिश बोलायला अडचणी यायच्या

एक काळ असा होता जेव्हा एमएस धोनीला इंग्रजी बोलण्यातही समस्या येत होत्या. पण इतरांचे बोलणे पाहून तो इंग्रजी बोलायला शिकल्याचे धोनीने एकदा सांगितले होते. जेव्हा मुलाखत घेणारा आणि त्याचे सहकारी क्रिकेटपटू इंग्रजी बोलतो तेव्हा धोनी लक्षपूर्वक ऐकत असे.

वीरेंद्र सेहवाग आणि हरभजन सिंग यांचे अनेक किस्से आहेत, जेव्हा ते इंग्रजीत मुलाखती देणे टाळायचे. पण आज केवळ धोनीच नाही तर जुने आणि नवे असे अनेक क्रिकेटपटू स्पष्ट इंग्रजी बोलतात.

सोप्या भाषेत सांगायचे झाले तर आजूबाजूला जेव्हा इंग्रजी भाषेचे वातावरण असते तेव्हा हळूहळू इतर क्रिकेटपटूंची इंग्रजीवर पकड मजबूत होऊ लागते. पण मोहम्मद शमीचा एक व्हिडिओ व्हायरल झाला होता, जेव्हा तो विराट कोहलीला त्याच्या शब्दांचे इंग्रजीत भाषांतर करण्यासाठी सोबत घेऊन गेला होता.

काही वर्षांपूर्वी वेगवान गोलंदाज प्रवीण कुमार राहुल द्रविडला इंग्रजी भाषांतरासाठी सोबत घेऊन जायचा.