मराठी बातम्या  /  क्रिकेट  /  IND vs AUS : चाहत्यांना भारत-ऑस्ट्रेलिया थरार अनुभवता येणार नाही! सेंट लुसियातून आला घाबरवणारा व्हिडीओ

IND vs AUS : चाहत्यांना भारत-ऑस्ट्रेलिया थरार अनुभवता येणार नाही! सेंट लुसियातून आला घाबरवणारा व्हिडीओ

Jun 24, 2024 04:06 PM IST

Australia vs India, St Lucia Weather : टी-20 वर्ल्डकपमध्ये आज भारत आणि ऑस्ट्रेलिया यांच्यातील सामना सेंट लुसिया येथे होणार आहे. कालपासून (रविवार) येथे पाऊस पडत आहे. सामना सुरू होण्याच्या काही तासआधी झालेल्या मुसळधार पावसाचा व्हिडिओ समोर आला आहे.

चाहत्यांना भारत-ऑस्ट्रेलिया थरार अनुभवता येणार नाही! सेंट लुसियातून आला 'तो' व्हिडीओ
चाहत्यांना भारत-ऑस्ट्रेलिया थरार अनुभवता येणार नाही! सेंट लुसियातून आला 'तो' व्हिडीओ

Australia vs India, St Lucia Weather : टी-20 विश्वचषक २०२४ मध्ये आज (२४ जून) भारत आणि ऑस्ट्रेलिया यांच्यात सामना होणार आहे. ऑस्ट्रेलियासाठी हा सामना करा किंवा मरोचा आहे. मात्र, हा सामना सुरू होण्याआधी क्रिकेट चाहत्यांसाठी एक वाईट बातमी समोर आली आहे.

वास्तविक, भारत आणि ऑस्ट्रेलिया यांच्यातील सामना सेंट लुसिया येथे होणार असून कालपासून (रविवार) येथे पाऊस पडत आहे. सामना सुरू होण्याच्या ५ तास आधी झालेल्या मुसळधार पावसाचा व्हिडिओ समोर आला आहे.

ट्रेंडिंग न्यूज

रविवारपासून सेंट लुसिया येथून पावसाचे व्हिडिओ समोर येत आहेत आणि आता सामन्याच्या ५ तास आधी तिथे मुसळधार पाऊस पडत आहे, ते पाहता भारत आणि ऑस्ट्रेलिया यांच्यातील सामना टॉसशिवाय रद्द होऊ शकतो. मात्र, हा सामना रद्द झाल्यास ऑस्ट्रेलियाच्या उपांत्य फेरीतील आशांना मोठा फटका बसणार आहे.

भारत-ऑस्ट्रेलिया सामना रद्द झाला तर...

भारत आणि ऑस्ट्रेलिया यांच्यातील सामना पावसामुळे रद्द झाला तर टीम इंडिया उपांत्य फेरीत पोहोचेल. यानंतर बांगलादेशविरुद्ध अफगाणिस्तानचा पराभव व्हावा, अशी प्रार्थना ऑस्ट्रेलियाला करावी लागणार आहे. अफगाणिस्तानने बांगलादेशला पराभूत केल्यास ते उपांत्य फेरीत पोहोचतील.

भारताने सुपर-८ मध्ये दोन्ही सामने जिंकले

टीम इंडियाने सुपर-८ मध्ये सुरुवातीचे दोन्ही सामने जिंकले आहेत. भारताने अफगाणिस्तानविरुद्धचा पहिला सामना आणि बांगलादेशविरुद्धचा दुसरा सामना जिंकला होता, त्यानंतर उपांत्य फेरी गाठणे जवळपास निश्चित झाले आहे. आता ऑस्ट्रेलियाविरुद्धचा सामना रद्द झाल्यास दोन्ही संघांना प्रत्येकी १ गुण मिळेल. अशा स्थितीत भारतीय संघ ५ गुणांसह उपांत्य फेरीत प्रवेश करेल.

WhatsApp channel