Hardik Pandya : हार्दिक पंड्या कसोटी क्रिकेटमध्ये कधी परतणार? या व्हिडिओतून मिळाले उत्तर!

सध्या हार्दिक पांड्या इंग्लंडमध्ये ट्रेनिंग घेत आहे. हार्दिक पांड्याने त्याच्या अधिकृत इंस्टाग्राम अकाउंटवर हा व्हिडिओ शेअर केला आहे. यानंतर क्रिकेट चाहत्यांचे म्हणणे आहे की, हार्दिक पांड्या लवकरच कसोटी फॉरमॅटमध्ये पुनरागमन करू शकतो.

हार्दिक पांड्या भारतासाठी एकदिवसीय आणि टी-20 फॉरमॅटमध्ये मॅचविनर असल्याचे सिद्ध केले आहे, परंतु तो बऱ्याच काळापासून कसोटी फॉरमॅटमध्ये खेळलेला नाही. हार्दिक पांड्या शेवटचा कसोटी फॉर्मेट सप्टेंबर २०१८ मध्ये खेळला होता. त्यानंतर तो कसोटी फॉरमॅटमध्ये खेळला नाही.

हार्दिक पांड्याच्या पाठीवर २०१९ मध्ये शस्त्रक्रिया झाली होती, त्यानंतर तो रेड बॉल क्रिकेटपासून दूर आहे.

आकडेवारीनुसार, हार्दिक पांड्याने आतापर्यंत ११ कसोटी सामन्यांमध्ये टीम इंडियाचे प्रतिनिधित्व केले आहे. ज्यामध्ये या अष्टपैलू खेळाडूने फलंदाज म्हणून ५२३ धावा केल्या आहेत. तर एक गोलंदाज म्हणून त्याने १७ विरोधी फलंदाजांना आपले बळी बनवले आहे.

दरम्यान, आता हार्दिक पांड्या लाल चेंडूने सराव करत असल्याने त्याच्या कसोटी फॉरमॅटमध्ये पुनरागमनाच्या आशा वाढल्या आहेत. मात्र, सध्या शिवम दुबे आणि नितीश कुमार रेड्डी हे भारतीय कसोटी संघात अष्टपैलू म्हणून मोठे दावेदार आहेत. मा

पण हार्दिक पांड्याने पुनरागमन केल्यास अष्टपैलू म्हणून कोणाला प्राधान्य मिळते, हे पाहणे उत्सुकतेचे ठरणार आहे. नुकताच भारतीय संघाने T20 विश्वचषक जिंकला होता. भारतीय संघाच्या यशात हार्दिक पांड्याचा मोठा वाटा होता.