मराठी बातम्या  /  क्रिकेट  /  Video : ग्लेन फिलिप्सने हवेत उडत घेतला थरारक झेल, फलंदाज, गोलंदाज, प्रेक्षक सगळेच थक्क, पाहा

Video : ग्लेन फिलिप्सने हवेत उडत घेतला थरारक झेल, फलंदाज, गोलंदाज, प्रेक्षक सगळेच थक्क, पाहा

Rohit Bibhishan Jetnavare HT Marathi
Mar 09, 2024 12:48 PM IST

Glenn Phillips Catch Video : न्यूझीलंडच्या ग्लेन फिलिप्सने जबरदस्त झेल घेतला आहे. या झेलला तुम्ही क्रिकेटच्या इतिहासातील सर्वोत्तम 'फ्लाइंग कॅच' म्हणू शकता.

Glenn Phillips Catch : ग्लेन फिलिप्सनं हे काय केलं! हा झेल पाहून फलंदाज, गोलंदाज, प्रेक्षक सगळेच थक्क झाले, पाहा
Glenn Phillips Catch : ग्लेन फिलिप्सनं हे काय केलं! हा झेल पाहून फलंदाज, गोलंदाज, प्रेक्षक सगळेच थक्क झाले, पाहा

ऑस्ट्रेलिया आणि न्यूझीलंड यांच्यातील दोन कसोटी सामन्यांच्या मालिकेतील शेवटचा सामना क्राइस्टचर्च येथे खेळला जात आहे. या सामन्यात न्यूझीलंडने प्रथम फलंदाजी करताना पहिल्या डावात केवळ १६२ धावा केल्या. यानंतर न्यूझीलंडच्या गोलंदाजांनी ऑस्ट्रेलियाला पहिल्या डावात २५६ धावात ऑलआऊट केले.

न्यूझीलंडकडून मॅट हेन्रीने ७ विकेट घेतल्या. तर ऑस्ट्रेलियाकडून मार्नस लॅबुशेनने ९० धावा केल्या. त्याला शतक पूर्ण करता आले नाही. कारण ग्लेन फिलिप्सने अप्रतिम झेल घेऊन त्याचा डाव संपवला.

ऑस्ट्रेलियाच्या डावातील ६१ व्या षटकात टीम साऊथी गोलंदाजी करत होता. या षटकातील एका चेंडूवर लॅबुशेनने ऑफ साइडवर शानदार कट शॉट खेळला. चेंडू हवेत गेला परंतु पॉइंटवर क्षेत्ररक्षणासाठी तैनात असलेल्या ग्लेन फिलिप्सने कमाल केली. फिलिप्सने पूर्णपणे हवेत झेप घेत एका हाताने झेल घेतला आणि लॅबुशेनचा डाव संपवला.

ग्लेन फिलिप्सचा हा झेल इतका जबरदस्त होता की, तो पाहून लॅबुशेनसह संपूर्ण खेळाडू आणि प्रेक्षक थक्क झाले होते. लॅबुशेन ९० धावा करून बाद झाला. या डावात त्याने १४७ चेंडूंचा सामना केला आणि १२ चौकार मारले.

ऑस्ट्रेलियाचा पहिला डाव २५६ धावांवर संपला

न्यूझीलंडविरुद्धच्या दुसऱ्या कसोटी सामन्यातही ऑस्ट्रेलियाची फलंदाजी अगदीच सामान्य झाली. मार्नस लॅबुशेन वगळता इतर कोणत्याही फलंदाजाला आपले कौशल्य दाखवता आले नाही. यामुळे ऑस्ट्रेलियाचा डाव २५६ धावांवर आटोपला, मात्र तरीही संघाला ९४ धावांची भक्कम आघाडी मिळाली. आता न्यूझीलंडचा संघ दुसऱ्या डावात फलंदाजी करत आहे.

IPL_Entry_Point