IND vs AUS : विराटला कसं बाद करणार? पर्थ कसोटपूर्वी ग्लेन मॅकग्राचा ऑस्ट्रेलियन गोलंदाजांना गुरूमंत्र

या मालिकेदरम्यान ऑस्ट्रेलियन संघासमोर विराट कोहलीचे सर्वात मोठे आव्हान असेल. विराट कोहलीला बाद करणं ऑस्ट्रेलियासाठी मोठं काम असणार आहे. दरम्यान, ऑस्ट्रेलियाचा महान वेगवान गोलंदाज ग्लेन मॅकग्रा याने विराट कोहलीला नियंत्रणात ठेवण्यासाठी खास योजना सांगितली आहे.

ग्लेन मॅकग्राच्या मते, विराट कोहली हा भावनिक खेळाडू आहे. अशा स्थितीत ऑस्ट्रेलियन संघाला बॉर्डर-गावस्कर ट्रॉफीदरम्यान विराटवर बारीक नजर ठेवण्याची विनंती केली आहे. मॅकग्राचा असा विश्वास आहे की विराट सध्या खूप दडपणाखाली आहे आणि जर त्याने या मालिकेच्या सुरुवातीला स्वस्तात बाद झाला तर त्याचा त्याच्या खेळावर नकारात्मक परिणाम होऊ शकतो.

मॅकग्रा काय म्हणाले?

फॉक्स क्रिकेटने कोड स्पोर्ट्सवर मॅकग्राचा हवाला देत म्हटले आहे की, ऑस्ट्रेलियाने विराटवर दबाव आणला आणि तो भावनेच्या भरात वाहून जात संघर्ष करताना दिसला तर यावर बरीच चर्चा होईल.

तो पुढे म्हणाला की पण मला वाटते की तो कदाचित थोडा दडपणाखाली आहे आणि जर त्याचे सुरुवातीचे स्कोअर कमी असतील तर त्याला खरोखरच दबाव जाणवेल. माझ्या मते तो खूप भावनिक खेळाडू आहे. जेव्हा तो त्याच्या फॉर्ममध्ये असतो तेव्हा तो वर असतो आणि जेव्हा तो फॉर्ममध्ये नसतो तेव्हा तो थोडा संघर्ष करतो."

टीम इंडियासाठी विजय आवश्यक आहे

आयसीसी वर्ल्ड टेस्ट चॅम्पियनशिपच्या अंतिम फेरीत पोहोचण्यासाठी टीम इंडियाला ही मालिका किमान ४-० ने जिंकावी लागेल. जे टीम इंडियासाठी सोपे काम नसेल.

या स्पर्धेच्या गुणतालिकेत भारतीय संघ ५८.३३% पीसीटीसह दुसऱ्या स्थानावर आहे, पण टीम इंडियाचे दुसरे स्थानही धोक्यात आले आहे. दुसरीकडे, ऑस्ट्रेलिया ६२.५० पीसीटीसह अव्वल आहे आणि सलग दुसऱ्यांदा WTC फायनलमध्ये प्रवेश करण्याच्या शर्यतीत आघाडीवर आहे.