DC vs LSG : दिल्ली कॅपिटल्सची प्रथम गोलंदाजी, अशी दोन्ही संघांची प्लेइंग इलेव्हन

दिल्लीकडून केएल राहुल आज खेळत नाहीये. दिल्ली संघात मिचेल स्टार्क, फाफ डू प्लेसिस, ट्रस्टन स्टब्स आणि जॅक फ्रेझर मॅकगर्क यांना संधी मिळाली आहे. तर लखनौमध्ये मिचेल मार्श, एडन मार्कराम, निकोलस पूरन आणि डेव्हिड मिलर आजचा सामना खेळत आहेत.

दोन्ही प्लेइंग इलेव्हन

दिल्ली कॅपिटल्स- जॅक फ्रेझर-मॅकगर्क, फाफ डु प्लेसिस, अभिषेक पोरेल (विकेटकीपर), समीर रिझवी, अक्षर पटेल (कर्णधार), ट्रिस्टन स्टब्स, विपराज निगम, मिचेल स्टार्क, कुलदीप यादव, मोहित शर्मा आणि मुकेश कुमार.

लखनौ सुपर जायंट्स- एडन मार्कराम, मिचेल मार्श, निकोलस पूरन, आयुष बडोनी, ऋषभ पंत (यष्टीरक्षक/कर्णधार), डेव्हिड मिलर, प्रिन्स यादव, दिग्वेश राठी, शाहबाज अहमद, शार्दुल ठाकूर आणि रवी बिश्नोई.

दिल्ली वि. लखनौ हेड टू हेड रेकॉर्ड

लखनौ सुपर जायंट्स आणि दिल्ली कॅपिटल्स यांच्यात आयपीएलमध्ये आतापर्यंत ५ सामने खेळले गेले आहेत. या कालावधीत लखनौने ३ सामने जिंकले आहेत. तर दिल्लीने १ सामना जिंकला. आयपीएल २०२४ च्या दोन्ही सामन्यांमध्ये दिल्लीने लखनौचा पराभव केला होता.

केएल राहुल घरी परतला

स्टार यष्टीरक्षक फलंदाज केएल राहुल पहिला सामना खेळणार नाही. ESPNcricinfo च्या रिपोर्टनुसार, केएल सामन्यापूर्वी त्याच्या घरी परतला आहे. खरंतर त्याची पत्नी अथिया शेट्टी कधीही मुलाला जन्म देऊ शकते.

शार्दुल ठाकूर लखनौच्या संघात

लखनौसाठी गोलंदाजी विभाग चिंतेचा विषय आहे. कारण त्यांचे भारतीय वेगवान गोलंदाज मयंक यादव, आवेश खान आणि आकाशदीप अजूनही दुखापतीतून सावरत आहेत. अष्टपैलू शार्दुल ठाकूरचा संघात समावेश केल्याने लखनौला बळ मिळाले आहे. दुखापतीमुळे वेगवान गोलंदाज मोहसिन खानच्या जागी शार्दुलचा संघात समावेश करण्यात आला आहे.