CSK vs MI Playing 11 : चेपॉकवर रंगणार सीएसके-मुंबई इंडियन्स यांच्यातील थरार, अशी असेल दोन्ही संघांची प्लेइंग इलेव्हन

एमआयचा कर्णधार हार्दिक पंड्या या सामन्यात खेळणार नाही. कारण गेल्या मोसमात तीन सामन्यांमध्ये स्लो ओव्हर रेटमुळे त्याच्यावर एका सामन्याची बंदी घालण्यात आली आहे. आज सूर्यकुमार यादव मुंबईचे नेतृत्व करेल.

दुसरीकडे, चेन्नई आपल्या जुन्या आणि क्लासिक शैलीत दिसणार आहे. हा संघ ऋतुराज गायकवाड याच्या नेतृत्वात खेळणार आहे. तर एमएस धोनीसारखा वरिष्ठ खेळाडूही संघात आहे. 

सीएसके आणि एमआय यांच्यातील या मोठ्या संघर्षात दोन्ही संघांची प्लेइंग इलेव्हन कशी असू शकते हे आपण येथे जाणून घेऊया?

पीच रिपोर्ट

हा सामना चेन्नईच्या चेपॉक स्टेडियमवर खेळला जाणार आहे. येथील खेळपट्टी फिरकी गोलंदाजीसाठी अत्यंत उपयुक्त मानली जात आहे. जसजसा सामना पुढे सरकतो तसतशी खेळपट्टी मंद होत जाते, ज्यामुळे फिरकीपटू आणखी मारक होतात. खेळपट्टी कशी वागते यावर अवलंबून, सामन्याच्या शेवटच्या षटकांमध्ये दव देखील एक मोठा घटक असू शकतो.

सीएसके वि. मुंबई इंडियन्स हेड टू हेड रेकॉर्ड

आयपीएलच्या इतिहासात आतापर्यंत चेन्नई सुपर किंग्ज आणि मुंबई इंडियन्स यांच्यात ३९ सामने खेळले गेले आहेत. यापैकी मुंबई संघाने २१ वेळा तर चेन्नईने १८ वेळा विजय मिळवला आहे. 

दोन्ही संघांमध्ये खेळल्या गेलेल्या शेवटच्या ६ सामन्यांपैकी सीएसकेने ५ वेळा विजय मिळवला आहे. 

दोन्ही संघांची संभाव्य प्लेइंग इलेव्हन

चेन्नई सुपर किंग्स : ऋतुराज गायकवाड (कर्णधार), डेव्हॉन कॉनवे, राहुल त्रिपाठी, शिवम दुबे, दीपक हुडा, रवींद्र जडेजा, एमएस धोनी, सॅम करन, आर अश्विन, नूर अहमद, मथिशा पाथिराना.

मुंबई इंडियन्स: रायन रिकल्टन, रोहित शर्मा, सूर्यकुमार यादव (कर्णधार), तिलक वर्मा, नमन धीर, रॉबिन मिन्झ, मिचेल सँटनर, दीपक चहर, ट्रेंट बोल्ट, रीस टोपली, कर्ण शर्मा.