Champions Trophy : चॅम्पियन्स ट्रॉफीसाठी 'हायब्रीड मॉडेल' मंजूर, भारताचे सामने या देशात रंगणार

सुत्रांच्या माहितीनुसार, बीसीसीआय आणि पाकिस्तान क्रिकेट बोर्ड यांच्यात झालेल्या करारानंतर चॅम्पियन्स ट्रॉफीचे सामने पाकिस्तान आणि दुबईमध्ये हायब्रीड मॉडेलनुसार खेळवण्याचा निर्णय घेण्यात आला आहे. या स्पर्धेतील टीम इंडियाचे सामने दुबईत होणार आहेत.

Vinod Kambli : मी पुन्हा येईन, फिट होऊन दाखवेन! कपिल देव यांच्या आवाहनाला विनोद कांबळीचा जबरदस्त प्रतिसाद

पाकिस्तान चॅम्पियन्स ट्रॉफीच्या १० सामन्यांचे यजमानपद भूषवणार आहे. साखळी फेरीतील भारताचे तिन्ही सामने दुबईत होणार आहेत. भारताच्या साखळी सामन्यांव्यतिरिक्त, स्पर्धेचे उपांत्य आणि अंतिम सामने देखील दुबईमध्ये होणार आहेत. 

जर टीम इंडिया बाद फेरीआधी स्पर्धेतून बाहेर पडली तर उपांत्य फेरी आणि फायनल लाहोर आणि रावळपिंडीमध्ये होतील.

पाकिस्तानला नुकसानभरपाई मिळणार नाही

भारतीय संघाने पाकिस्तान दौऱ्यावर जाण्यास नकार दिल्यास त्यांना भरपाई दिली जाईल, अशी मागणी पाकिस्तान क्रिकेट बोर्डाने आयसीसीकडे केली होती, पण. आयसीसीने ही भरपाईची मागणी फेटाळून लावली आहे.

Test Cricket : १२ दिवस चाललेल्या कसोटी सामन्याची गोष्ट, गिनीज बुकानं नोंद घेतली, कोण जिंकलं? वाचा

२०२६ च्या टी-20 वर्ल्डकपसाठी पाकिस्तान भारतात येणार नाही

दरम्यान, हे प्रकरण एवढ्यावरच संपले नाही. आता पाकिस्तानी संघ २०२६ च्या टी-20 वर्ल्डकपसाठी भारत दौऱ्यावर येणार नसल्याचेही समोर आले आहे. 

टी-२० विश्वचषकाचे यजमानपद भारत आणि श्रीलंका यांच्यात असणार आहे. पाकिस्तानने त्यांचे सामने कोलंबोमध्ये खेळवण्याची मागणी केली. मात्र, T20 विश्वचषकातील बाद फेरीच्या सामन्यांबाबत अद्याप काहीही स्पष्ट करण्यात आलेले नाही.