IND W vs NZ W : शानदार, जबरदस्त… राधा यादवनं पकडला अविश्वसनीय झेल, व्हिडीओ पाहून तुम्हीही कौतुक कराल!

वास्तविक, भारत आणि न्यूझीलंड यांच्यात वनडे सामना खेळला जात आहे. वनडे मालिकेतील दुसऱ्या सामन्यात राधा यादवने अप्रतिम झेल घेतला. भारतीय क्रिकेट नियामक मंडळानेही तिच्या झेलचा व्हिडिओ सोशल मीडियावर शेअर केला आहे.

महिला क्रिकेटमध्ये भारत आणि न्यूझीलंड यांच्यात एकदिवसीय मालिका खेळली जात आहे. यातील दुसरा सामना आज रविवारी (२७ ऑक्टोबर) अहमदाबादमध्ये होणार आहे.

अहमदाबाद वनडेत न्यूझीलंडने नाणेफेक जिंकून प्रथम फलंदाजी करण्याचा निर्णय घेतला. यावेळी ब्रुक हॅलिडे संघाकडून पाचव्या क्रमांकावर फलंदाजीला आली. तर प्रिया मिश्रा भारताकडून ३२वे षटक टाकत होती.

मिश्राच्या षटकातील तिसऱ्या चेंडूवर ब्रूकने मोठा शॉट खेळला. चेंडू हवेत असल्याचे पाहून त्या ठिकाणी फिल्डिंग करत असलेल्या राधाने हवेत झेप मारून चेंडू पकडला. हा एक अतिशय कठीण झेल होता. या कॅचनंतर सोशल मीडियावर राधाचे कौतुक करण्यात येत आहे. बीसीसीआयच्या या व्हिडिओवर चाहत्यांनी कमेंट केल्या आहेत.

प्रिया मिश्राने टीम इंडियासाठी शानदार गोलंदाजी केली. तिने न्यूझीलंडविरुद्ध अहमदाबाद वनडेमध्ये १० षटकांत ४९ धावांत १ बळी घेतला. यासह १ मेडन ओव्हरही टाकली. न्यूझीलंडकडून सुझी बेट्सने ५८ धावा केल्या. तिच्या अर्धशतकी खेळीत ८ चौकारांचा समावेश होता. जॉर्जिया प्लिमरने ४१ धावांचे योगदान दिले. कर्णधार सोफिया डिव्हाईनने अर्धशतक झळकावले.