Perth Pitch Report : पर्थच्या पीचचे फोटो आले समोर, टीम इंडियाचे फलंदाज एक सत्र तरी टिकणार का? पाहा

सीम-पेस आणि बाउन्सचे कॉकटेल

पर्थच्या खेळपट्टीला अजूनही पाणी दिले जात आहे, त्यामुळे पीचवर हिरवा रंग दिसतो आहे. यामागील एक कारण म्हणजे पृष्ठभाग लवकर कोरडे होत नाही. अशा स्थितीत खेळपट्टीकडून सीम मूव्हमेंट, पेस आणि बाउन्सची अपेक्षा केली जाऊ शकते.

गेल्या वेळी या स्टेडियमवर सामना झाला नव्हता

पर्थ येथील पीच नेहमीच फलंदाजांसाठी धोकादायक म्हणून ओळखली जाते. आणि विशेष म्हणजे, भारत आणि ऑस्ट्रेलिया यांच्यातील ८० वर्षांच्या क्रिकेट इतिहासात पहिल्यांदाच पर्थ येथून कसोटी मालिकेची सुरुवात होत आहे.

गेल्यावेळी दोन्ही संघात पर्थ येथे एकही कसोटी सामन झाला नव्हता. ऑप्टस हे नवीन स्टेडियम आहे. तर पर्थचे WACA स्टेडियम ऐतिहासिक आहे.

वेगवान गोलंदाजांमध्ये चुरस रंगणार

गेल्या वेळी म्हणजेच, तीन वर्षांपूर्वी अजिंक्य रहाणेच्या नेतृत्वात टीम इंडियाने ऑस्ट्रेलियाचा कसोटी मालिकेत पराभव केला. या पराभवानंतर आता ऑस्ट्रेलियाने आपल्या नियोजनात मोठा बदल केला आहे. कांगारूंनी त्यांच्या ड्रॉप-इन खेळपट्ट्यांवर भरपूर गवत सोडण्यास सुरुवात केली आहे, ज्यामुळे या पीच वेगवान गोलंदाजीसाठी स्वर्ग बनल्या आहेत.

फलंदाजांसाठी ही चिंतेची बाब आहे, पण पॅट कमिन्स, जसप्रीत बुमराहसह दोन्ही संघांच्या गोलंदाजांसाठी ही चांगली बातमी आहे.

बॉर्डर-गावस्कर ट्रॉफीचं वेळापत्रक

पहिला सामना, २२ ते २६ नोव्हेंबर, पर्थ.

दुसरा सामना, ६ ते १० डिसेंबर, एडलेड ओव्हल, (डे-नाईट).

तिसरा सामना, १४ ते १८ डिसेंबर, गाबा.

चौथा सामना, २६ ते ३० डिसेंबर, मेलबर्न.

पाचवा सामना, ३ ते ७ जानेवारी, सिडनी.