Womens T20 WC : बांगलादेशचा भारताला टी-२० वर्ल्डकपसाठी प्रस्ताव, पण बीसीसीआयचा नकार; जय शाह यांनी सांगितलं कारण

ऑक्टोबरमध्ये होणाऱ्या महिला टी-२० विश्वचषकाला जास्त वेळ उरलेला नाही. पण त्याआधी बांगलादेशमध्ये हिंसाचार उफळला आहे. अशा परिस्थितीत ही स्पर्धा बांगलादेशात आयोजित होण्याबाबत साशंकता आहे. जय शाह यांनी टाइम्स ऑफ इंडियाला दिलेल्या माहितीनुसार, बीसीसीआयने महिला टी२० विश्वचषक भारतात आयोजित करण्यास नकार दिला आहे.

India Bowling Coach: मॉर्ने मॉर्केल भारतीय क्रिकेट संघाचा नवा बॉलिंग कोच, कधीपासून संभाळणार जबाबदारी?

जय शाह काय म्हणाले?

बांगलादेशातील बिघडलेली परिस्थिती पाहता पर्याय म्हणून टी-२० विश्वचषकाचे यजमानपद भारताला देण्याचे आयसीसी विचार करत होती. मात्र, जय शाह यांनी बीसीसीआयची भूमिका स्पष्ट केली. टाइम्स ऑफ इंडियाशी बोलताना जय शाह म्हणाले की, 'भारतात सध्या पाऊस सुरू आहे. याशिवाय, भारतात पुढच्या वर्षी महिला एकदिवसीय विश्वचषकाचे आयोजन केले जाणार आहे. यामुळे सलग दोन वर्ष विश्वचषक स्पर्धा आयोजित करण्याबाबत बीसीसीआय कुठलाही विचार करत नाही.'

बांगलादेशचा संघ भारताच्या दौऱ्यावर

बांगलादेशचा संघ पुढच्या महिन्यात भारत दौरा करणार आहे, जिथे दोन्ही संघात दोन सामन्यांची कसोटी आणि तीन सामन्यांची कसोटी मालिका खेळली जाणार आहे. कसोटी मालिकेला १९ सप्टेंबरपासून सुरुवात होईल. तर, या मालिकेतील शेवटचा सामना २७ सप्टेंबर ते १ ऑक्टोबरदरम्यान खेळला जाईल. यानंतर काही दिवसांनी म्हणजेच ६ ऑक्टोबरपासून टी-२० मालिका खेळली जाईल. टी-२० मालिकेतील शेवटचा सामना १२ ऑक्टोबर २०२४ रोजी खेळला जाणार आहे.

भारत आणि बांगलादेश कसोटी मालिकेचे वेळापत्रक

पहिला कसोटी सामना: १९ सप्टेंबर- २३ सप्टेंबर

दुसरा कसोटी सामना: २७ सप्टेंबर- ०१ ऑक्टोबर

भारत- बांगलादेश टी-२० मालिकेचे वेळापत्रक

पहिला टी-२० सामना: ०६ ऑक्टोबर २०२४

दुसरा टी-२० सामना: ०९ ऑक्टोबर २०२४

तिसरा टी-२० सामना: १२ ऑक्टोबर २०२४