Samit Dravid : राहुल द्रविडचा मुलगा समित याची टीम इंडियात एन्ट्री, ऑस्ट्रेलियाविरुद्धच्या मालिकेतून करणार पदार्पण

भारतीय अंडर-१९ संघाला ऑस्ट्रेलियन अंडर-१९ संघाविरुद्ध एकदिवसीय आणि ४ दिवसीय सामने खेळायचे आहेत. या दोन्ही फॉरमॅटच्या मालिकेसाठी समितला टीम इंडियात संधी मिळाली आहे. भारत आणि ऑस्ट्रेलिया यांच्यातील अंडर-१९ मालिका २१ सप्टेंबरपासून सुरू होणार आहे.

ज्युनियर निवड समितीने ऑस्ट्रेलिया अंडर-१९ विरुद्धच्या आगामी बहु-स्वरूप IDFC FIRST बँक घरच्या मालिकेसाठी भारताच्या अंडर-१९ संघाची निवड केली आहे. या मालिकेत पुद्दुचेरी आणि चेन्नईमध्ये तीन ५० षटकांचे सामने आणि दोन ४ दिवसीय सामने खेळवले जातील.

यूपीचा स्टार फलंदाज मोहम्मद अमानला ऑस्ट्रेलियाविरुद्धच्या वनडे मालिकेत भारताच्या अंडर-१९ संघाचा कर्णधार म्हणून घोषित करण्यात आले आहे. तर ४ दिवसीय सामन्यांच्या मालिकेत मध्य प्रदेशचा सोहम पटवर्धन भारतीय संघाचे नेतृत्व करणार आहे. समितबद्दल बोलायचे तर तो नुकताच महाराजा टी-२० ट्रॉफीमध्ये खेळला.

ऑस्ट्रेलियाविरुद्धच्या एकदिवसीय मालिकेसाठी भारताचा अंडर-१९ संघ - रुद्र पटेल (उपकर्णधार), साहिल पारख, कार्तिकेय केपी, मोहम्मद अमन (कर्णधार), किरण चोरमले, अभिज्ञान कुंडू (यष्टीरक्षक), हरवंशसिंग पंगालिया (यष्टीरक्षक) , समित द्रविड, युधाजित गुहा, समर्थ एन, निखिल कुमार, चेतन शर्मा, हार्दिक राज, रोहित राजावत आणि मोहम्मद अनन.

ऑस्ट्रेलियाविरुद्धच्या ४ दिवसीय सामन्यांच्या मालिकेसाठी भारताचा अंडर-१९ संघ – वैभव सूर्यवंशी, नित्या पांड्या, विहान मल्होत्रा ​​(उपकर्णधार), सोहम पटवर्धन (कर्णधार), कार्तिकेय केपी, समित द्रविड, अभिज्ञान कुंडू (यष्टीरक्षक), हरवंशी सिंग पंगालिया (यष्टीरक्षक), चेतन शर्मा, समर्थ एन, आदित्य रावत, निखिल कुमार, अनमोलजीत सिंग, आदित्य सिंग आणि मोहम्मद अनन.