IND vs BAN : भारत दौऱ्यासाठी बांगलादेशचा संघ जाहीर, खुनाचा आरोप असलेल्या खेळाडूलाही संघात स्थान

या सोबतच बांगलादेशचा महान अष्टपैलू खेळाडू शकीब अल हसन हा देखील भारताविरुद्धची कसोटी मालिका खेळताना दिसणार आहे. सध्या साकिब खुनाच्या आरोपांमुळे चर्चेत आहे.

बांगलादेशने यापूर्वी पाकिस्तान दौऱ्यावर २ कसोटी सामन्यांची मालिका खेळली होती, त्यादरम्यान शकिबवर हत्येचा आरोप होता. आता या आरोपांदरम्यान, भारताविरुद्धच्या २ कसोटी सामन्यांच्या मालिकेसाठीही शाकिबची निवड करण्यात आली आहे.

बांगलादेश क्रिकेट बोर्डाने गुरुवारी (१२ सप्टेंबर) भारत दौऱ्यावर होणाऱ्या दोन सामन्यांच्या कसोटी मालिकेसाठी संघाची घोषणा केली. पुन्हा एकदा नजमुल हुसेन शांतोला कर्णधार बनवण्यात आले. यापूर्वी, शांतोच्या नेतृत्वाखाली संघाने पाकिस्तानमध्ये २ सामन्यांच्या कसोटी मालिकेत २-० ने विजय मिळवला होता.

हत्येच्या आरोपांमुळे बांगलादेश बोर्ड शकीब अल हसनला भारत दौऱ्यासाठी संघाचा भाग बनवणार नाही, असा अंदाज बांधला जात होता, परंतु तसे झाले नाही आणि त्याचा कसोटी संघात समावेश करण्यात आला आहे.

शकीब अल हसन याच्यावर कोणाच्या खुनाचा आरोप?

वास्तविक, क्रिकेटपटू शकीब अल हसन याच्यावर रफीकुल इस्लाम नावाच्या व्यक्तीचा मुलगा रुबेल याची हत्या केल्याचा आरोप आहे, ज्याचा एका निषेध आंदालोनादरम्यान मृत्यू झाला होता. या प्रकरणी बांगलादेशची राजधानी ढाका येथील अदाबोर पोलीस ठाण्यात गुन्हा दाखल करण्यात आला आहे. गोळी लागल्याने रफिकुल इस्लाम यांच्या मुलाचा मृत्यू झाला होता.

रफिकुल इस्लामने सुमारे १५४ आरोपींचा समावेश केला होता, ज्यामध्ये शाकिब अल हसन २८ व्या क्रमांकावर आहे. हे लक्षात घेण्यासारखे आहे की शाकिब अल हसन २०२३ मध्ये शेख हसीना यांच्या पक्ष अवामी लीगमधून खासदार म्हणून निवडून आला होता आणि देशातील सत्तापालट झाल्यानंतर, त्याच्यावर खुनाचा आरोप करण्यात आला होता.

बांगलादेश क्रिकेट बोर्डाने आधीच स्पष्ट केले

बांगलादेश क्रिकेट बोर्डाने यापूर्वीच शाकिब अल हसनबाबत स्पष्ट विधान केले आहे. जोपर्यंत शाकिबवरील आरोप सिद्ध होत नाहीत तोपर्यंत तो बांगलादेशच्या राष्ट्रीय संघातून खेळत राहील, असे बोर्डाकडून सांगण्यात आले.

भारत मालिकेसाठी बांगलादेश संघ-

नजमुल हुसेन शांतो (कर्णधार), महमुदुल हसन जॉय, झाकीर हसन, शादमान इस्लाम, मोमिनुल हक, मुशफिकुर रहीम, शकीब अल हसन, लिटन कुमार दास, मेहदी हसन मिराझ, तैजुल इस्लाम, नईम हसन, नाहिद राणा, हसन महमूद, तस्किन अहमद, मोहम्मद. सय्यद खालेद अहमद, जाकेर अली.

बांगलादेश मालिकेसाठी टीम इंडिया-

रोहित शर्मा (कर्णधार), यशस्वी जैस्वाल, शुभमन गिल, विराट कोहली, केएल राहुल, सरफराज खान, ऋषभ पंत (यष्टीरक्षक), ध्रुव जुरेल (यष्टीरक्षक), रविचंद्रन अश्विन, रवींद्र जडेजा, अक्षर पटेल, कुलदीप यादव, मोहम्मद सिराज, आकाश दीप, आकाश. , जसप्रीत बुमराह, यश दयाल.