Champions Trophy : अर्शदीप सिंग की हर्षित राणा, चॅम्पियन्स ट्रॉफीत कोण खेळणार? रोहित-गंभीरने निवड केली

विशेषत: भारतीय संघाचे गोलंदाजी आक्रमण कसे असेल? अर्शदीप सिंग आणि हर्षित राणा यांच्यात कोणाला प्राधान्य मिळेल? हे पाहणे महत्वाचे आहे.

JP Duminy Divorce : माजी क्रिकेटर जेपी ड्युमिनीचा घटस्फोट, पत्नीसोबतच १४ वर्षांचं नातं संपवलं

वास्तविक, अर्शदीप सिंग टी-२० फॉरमॅटमध्ये सतत खेळत आहे. या फॉरमॅटमध्ये अर्शदीप सिंगची कामगिरी उत्कृष्ट राहिली आहे.

अर्शदीप आणि हर्षित राणा यांच्यात कोण खेळणार?

त्याचबरोबर हर्षित राणा याची वनडे फॉरमॅटमध्ये अलीकडची कामगिरी उत्कृष्ट राहिली आहे. हर्षित राणाने इंग्लंडविरुद्धच्या वनडे मालिकेत उत्कृष्ट गोलंदाजी केली होती. आता प्रश्न असा आहे की अर्शदीप सिंग आणि हर्षित राणा यांच्यातील भारतीय प्लेइंग इलेव्हनमध्ये कोणाची निवड होणार?

मीडिया रिपोर्ट्सनुसार, बांगलादेशविरुद्ध भारतीय प्लेइंग इलेव्हनमध्ये हर्षित राणाऐवजी अर्शदीप सिंगला प्राधान्य मिळू शकते. अर्शदीप सिंगला इंग्लंडविरुद्धच्या वनडे मालिकेत फक्त १ सामना खेळण्याची संधी मिळाली. तर हर्षित राणा तिन्ही सामन्यांमध्ये भारतीय प्लेइंग इलेव्हनचा भाग होता. 

वास्तविक, चॅम्पियन्स ट्रॉफीसाठी जसप्रीत बुमराहच्या जागी हर्षित राणाची निवड करण्यात आली आहे.

मीडिया रिपोर्ट्सनुसार, भारतीय संघाचे मुख्य प्रशिक्षक गौतम गंभीर यांचा कल हर्षित राणाकडे आहे, परंतु मोहम्मद शमी आणि अर्शदीप सिंग यांच्यापेक्षा हर्षित राणाला प्राधान्य मिळण्याची शक्यता फारच कमी आहे. मात्र, बांगलादेशविरुद्धच्या सामन्यात भारतीय संघाचे प्लेइंग इलेव्हन काय असेल हे पाहणे उत्सुकतेचे ठरणार आहे.

भारतीय संघ गुरुवारी आपल्या मोहिमेला सुरुवात करणार आहे. रोहित शर्माच्या नेतृत्वाखालील भारतीय संघ पहिल्या सामन्यात बांगलादेशशी भिडणार आहे. यानंतर २३ फेब्रुवारीला भारत आणि पाकिस्तान यांच्यात सामना होणार आहे.