मराठी बातम्या  /  क्रिकेट  /  Anant Ambani Radhika Wedding : अनंत-राधिकाच्या 'संगीत समारंभा'त धोनी आणि साक्षीच्या पारंपरिक लुकने वेधले लक्ष, VIDEO

Anant Ambani Radhika Wedding : अनंत-राधिकाच्या 'संगीत समारंभा'त धोनी आणि साक्षीच्या पारंपरिक लुकने वेधले लक्ष, VIDEO

Jul 05, 2024 10:32 PM IST

Anant Ambani Radhika sangeet : अनंत अंबानी व राधिका मर्चंट यांचा विवाह सोहळा आजपासून सुरू झाला असून आजच्या संगीत समारंभासाठी भारतीय क्रिकेट संघाचा माजी कर्णधार महेंद्रसिंह धोनी सपत्निक उपस्थित होता. या जोडप्याने आपल्या पारंपरिक लुकने सर्वांचे लक्ष वेधले.

अनंत अंबानी यांच्या संगीत समारंभासाठी उपस्थित असलेले धोनी व साक्षी
अनंत अंबानी यांच्या संगीत समारंभासाठी उपस्थित असलेले धोनी व साक्षी

MS Dhoni in Anant Ambani, Radhika sangeet : प्रसिद्ध उद्योगपती मुकेश अंबानी आणि नीता अंबानी यांचा मुलगा अनंत अंबानी व राधिका मर्चंट यांचा विवाहसोहळा १२ जुलै रोजी होत आहे. या पार्श्वभूमीवर मुंबईतील वाहतूक व्यवस्थेतही बदल करण्यात आला आहे. अनंत अंबानी - राधिक मर्चंट यांच्या  लग्नसोहळ्याला आजपासूनच सुरूवात झाली आहे. आज झालेल्या संगीत समारंभात भारतीय संघाचा माजी कर्णधार महेंद्रसिंग धोनी पत्नी साक्षीसह उपस्थित राहिला होता. या संगीत समारंभात  सहभागी होण्यासाठी मुंबईत पोहोचला. धोनी आणि साक्षी पारंपरिक भारतीय वेशभूषेत सहभागी झाले होते. त्यांचा हा लूक चाहत्यांना भुरळ घालत आहे. 

नीता मुकेश अंबानी कल्चरल सेंटरमध्ये अनंत अंबानी यांच्या लग्नसमारंभासाठी क्रिकेटपटू एमएस धोनी पोहोचला आहे. त्याच्यासोबत त्याची पत्नी साक्षी धोनीदेखील होती कारण दोघेही एथनिक आउटफिटमध्ये सुंदर दिसत होते. धोनीने भरत काम केलेला पांढरा कुर्ता पायजमा परिधान केला होता तर साक्षीने गोल्डन लेहंगा परिधान केला होता.

ट्रेंडिंग न्यूज

पाहा त्यांचा व्हिडिओ:

जस्टिन बीबरचा परफॉर्मन्स

कॅनेडियन गायक जस्टिन बीबर शुक्रवारी सकाळी या कार्यक्रमात परफॉर्म करण्यासाठी भारतात दाखल झाला. अंबानी आणि त्यांच्या पाहुण्यांसाठी परफॉर्म करण्यासाठी त्याला १० मिलियन डॉलर (८३ कोटी रुपये) दिले जात आहेत.

याआधी पॉप दिवा रिहानाने जामनगरमध्ये अनंत आणि राधिकाच्या प्री-वेडिंग सेलिब्रेशनमध्ये परफॉर्म केला होता. गेल्या महिन्यात गायिका केटी पेरी, पॉप ग्रुप बॅकस्ट्रीट बॉईज आणि इटालियन टेनोर अँड्रिया बोसेली यांनी इटली आणि दक्षिण फ्रान्समध्ये या जोडप्याच्या क्रूझ टूर पार्टीत परफॉर्म केले होते.

अनंत आणि राधिकाच्या लग्नाबद्दल

अब्जाधीश मुकेश अंबानी यांचा मुलगा अनंत आणि उद्योगपती वीरेन मर्चंट यांची मुलगी राधिका १२ जुलै रोजी विवाहबंधनात अडकणार आहेत.

रिलायन्स इंडस्ट्रीजच्या मालकीची जगातील सर्वात मोठी रिफायनरी म्हणून ओळखल्या जाणाऱ्या अहमदाबादपासून ३०० किलोमीटर अंतरावर असलेल्या जामनगरमध्ये १ मार्चपासून प्री-वेडिंग सेलिब्रेशनला सुरुवात झाली होती.

पारंपारिक हिंदू वैदिक रीतीरिवाजांचे पालन करून विवाह सोहळ्याचे काटेकोर नियोजन केले जात आहे. मुख्य समारंभाची सुरुवात शुक्रवार, १२ जुलैपासून होईल.  सूत्रांनी दिलेल्या माहितीनुसार, पाहुण्यांना पारंपारिक भारतीय पोशाख दिला जाणार आहे.

शनिवार, १३ जुलै रोजी शुभ आशीर्वादसह हा सोहळा सुरू राहणार आहे. अंतिम कार्यक्रम, मंगल उत्सव किंवा लग्नाचे रिसेप्शन रविवार, १४ जुलै रोजी होणार आहे. 

 

WhatsApp channel