IPL 2025 Mega Auction KKR : केकेआरने राखला तीन खेळाडूंचा मान, अजिंक्य रहाणेसह या तीन दिग्गजांना खरेदी केलं

या यादीत टीम इंडियाचा दिग्गज खेळाडू अजिंक्य रहाणे याच्या नावाचाही समावेश आहे. रहाणेसह मोईन अली आणि उमरान मलिक यांनाही अखेर फेरीत खरेदी करण्यात आले. कोलकाता नाईट रायडर्स संघाने या तिन्ही खेळाडूंना खरेदी केले.

अजिंक्य रहाणे चेन्नई सुपर किंग्जकडून खेळला आहे. त्याने आयपीएलमध्ये अनेक वेळा चमकदार कामगिरी केली आहे. पण या वेळी सुरुवातीच्या फेरीत तो विकला गेला नाही. मात्र, अखेर केकेआरने त्याला विकत घेतले. रहाणेची मूळ किंमत १.५० कोटी रुपये होती. तो मूळ किंमतीसह केकेआरमध्ये सामील झाला आहे.

केकेआरने मोईन आणि उमरान मलिकलाही घेतलं

मोईन अली बराच काळ चेन्नई सुपर किंग्जसोबत होता. तो गेल्या मोसमात ८ कोटी रुपये मानधन घेऊन खेळला होता. पण यावेळी सीएसकेने त्याला रिटेन केले नाही. आता तो कोलकाताकडून खेळणार आहे. सुरुवातीच्या फेऱ्यांमध्ये मोईनची विक्री झाली नाही.

उमरान मलिकच्या बाबतीतही असेच घडले. उमरान मलिकला सुरुवातीला कोणीही विकत घेतले नव्हते. पण शेवटी KKR ने ७५ लाखांच्या बेस प्राईसमध्ये विकत घेतले. तर मोईनला २ कोटी रुपयांची मूळ किंमत देऊन खरेदी करण्यात आले.

केकेआरने व्यंकटेश अय्यरवर पैशांचा पाऊस पाडला

केकेआरकडे २३.७५ कोटींचा सर्वात महागडा खेळाडू आहे. कोलकाताने व्यंकटेश अय्यरला सर्वाधिक पैसे दिले. संघाने मेगा लिलावात एनरिक नोर्खियाच्या रूपाने दुसरा सर्वात महागडा खेळाडू विकत घेतला. केकेआरने नोरखियासाठी ६.५० कोटी रुपये खर्च केले. क्विंटन डी कॉकला ३.६० कोटींना विकत घेतले.

केकेआरने हे खेळाडू विकट घेतले

व्यंकटेश अय्यर (२३.७५ कोटी),

क्विंटन डी कॉक (३.६ कोटी),

रहमानुल्लाह गुरबाज (२ कोटी),

एनरिच नॉर्टजे (६.५ कोटी),

अंक्रिश रघुवंशी (३ कोटी),

रोव्हमन पॉवेल (१.५० कोटी),

मनीष पांडे (७५ लाख),

स्पेन्सर जॉन्सन (२.८० कोटी),

अनुकूल रॉय (४० लाख),

मोईन अली (२ कोटी),

अजिंक्य रहाणे (१.५० कोटी),

लुनिथ सिसोदिया (३० लाख),

उमरन मलिक (७५ लाख) 

रिंकू सिंग (१३ कोटी), 

आंद्रे रसेल (१२ कोटी), 

सुनील नारायण (१२ कोटी),

 वरुण चक्रवर्ती (१२ कोटी), 

हर्षित राणा (४ कोटी), 

रमनदीप सिंग (४ कोटी)