मराठी बातम्या  /  क्रिकेट  /  AFG vs AUS : ४५ देशांना हरवणारा एकमेव खेळाडू, मोहम्मद नबीच्या नावावर अनोखा विक्रम, जाणून घ्या

AFG vs AUS : ४५ देशांना हरवणारा एकमेव खेळाडू, मोहम्मद नबीच्या नावावर अनोखा विक्रम, जाणून घ्या

Jun 24, 2024 03:43 PM IST

AFG vs AUS T20 world cup 2024 : टी-20 वर्ल्डकप २०२४ च्या सुपर ८ सामन्यात प्रथम फलंदाजी करण्यासाठी आलेल्या अफगाणिस्तानने २० षटकांत ६ गडी गमावून १४८ धावा केल्या होत्या. प्रत्युत्तरादाखल ऑस्ट्रेलियाचा डाव १९.२ षटकांत १२७ धावांत आटोपला.

AFG vs AUS : ४५ देशांना हरणारा एकमेव खेळाडू, मोहम्मद नबीच्या नावावर अनोखा विक्रम, जाणून घ्या
AFG vs AUS : ४५ देशांना हरणारा एकमेव खेळाडू, मोहम्मद नबीच्या नावावर अनोखा विक्रम, जाणून घ्या (AP)

अफगाणिस्तानने टी-20 विश्वचषकात ऑस्ट्रेलियाचा पराभव करून मोठी खळबळ उडवून दिली. राशिद खानच्या नेतृत्वाखालील अफगाणिस्तानच्या विजयाची बरीच चर्चा सुरू आहे.

वास्तविक, ऑस्ट्रेलिया आणि अफगाणिस्तान यांच्यातील सुपर ८ सामन्यात प्रथम फलंदाजी करण्यासाठी आलेल्या अफगाणिस्तानने २० षटकांत ६ गडी गमावून १४८ धावा केल्या. याला प्रत्युत्तर देताना ऑस्ट्रेलिया १९.२ षटकात १२७ धावांवर ऑल आऊट झाला.

अशा प्रकारे अफगाणिस्तानने २१ धावांनी शानदार विजय मिळवला. तसेच अफगाणिस्तानचा महान अष्टपैलू खेळाडू मोहम्मद नबीने एक खास विक्रम आपल्या नावावर केला आहे.

ट्रेंडिंग न्यूज

ऑस्ट्रेलियाला हरवल्यानंतर अफगाणिस्तानने क्रिकेट खेळणाऱ्या ४५ देशांना पराभूत करण्याचा विक्रम केला. या सर्व सामन्यांमध्ये मोहम्मद नबी अफगाणिस्तान संघाचा भाग होता.

अशाप्रकारे ४५ देशांविरुद्ध अफगाणिस्तानच्या विजयात मोहम्मद नबीचा सहभाग होता. अशाप्रकारे मोहम्मद नबीच्या नावावर एक विशेष विक्रम नोंदवला गेला आहे. अफगाणिस्तानच्या या दिग्गज खेळाडूशिवाय अन्य कोणताही क्रिकेटपटूने अशी कामगिरी केलेली नाही.

या T20 विश्वचषकात अफगाणिस्तानची कामगिरी उत्कृष्ट राहिली आहे. अफगाणिस्तानने आतापर्यंत ४ सामने जिंकले आहेत, तर २ सामन्यात त्यांना पराभवाचा सामना करावा लागला आहे.

अफगाणिस्तान टी-20 वर्ल्डकप २०२४ मधील प्रवास

या T20 विश्वचषकात अफगाणिस्तानने युगांडाचा १२५ धावांच्या मोठ्या फरकाने पराभव केला. यानंतर न्यूझीलंडचा ८४ धावांनी पराभव झाला. पापुआ न्यू गिनीचा ७ गडी राखून पराभव केला.

यानंतर अफगाणिस्तानला वेस्ट इंडिजविरुद्ध १०४ धावांनी पराभवाचा सामना करावा लागला. त्यानंतर सुपर-८ मध्ये भारताने अफगाणिस्तानचा ४७ धावांनी धुव्वा उडवला. पण यानंतर अफगाणिस्तानने दमदार पुनरागमन करत ऑस्ट्रेलियाचा २१ धावांनी पराभव केला आणि ऑस्ट्रेलियाच्या सेमी फायनलमध्ये जाण्याच्या मार्गात मोठा अडथळा निर्माण केला.

WhatsApp channel