Abhishek Sharma Century : वानखेडेवर अभिषेक शर्माचं वादळ, ३७ चेंडूत ठोकलं शतक
मराठी बातम्या  /  क्रिकेट  /  Abhishek Sharma Century : वानखेडेवर अभिषेक शर्माचं वादळ, ३७ चेंडूत ठोकलं शतक

Abhishek Sharma Century : वानखेडेवर अभिषेक शर्माचं वादळ, ३७ चेंडूत ठोकलं शतक

Feb 02, 2025 08:12 PM IST

IND vs ENG 5th T20 : अभिषेक शर्माने इंग्लंडविरुद्ध स्फोटक फलंदाजी करत शतक झळकावले आहे.

Abhishek Sharma Century : वानखेडेवर अभिषेक शर्माचं वादळ, ३७ चेंडूत ठोकलं शतक
Abhishek Sharma Century : वानखेडेवर अभिषेक शर्माचं वादळ, ३७ चेंडूत ठोकलं शतक (AFP)

टीम इंडियाचा युवा सलामीवीर अभिषेक शर्मा याने इतिहास रचला आहे. त्याने मुंबईच्या वानखेडे स्टेडियमवर इंग्लंडविरुद्ध शतक झळकावले आहे. भारत आणि इंग्लंड यांच्यात सुरू असलेल्या मालिकेतील पाचव्या सामन्यात अभिषेकने कमाल केली. त्याने अवघ्या ३७ चेंडूत आपले शतक पूर्ण केले.

मुंबई टी-20 सामन्यात अभिषेक भारताकडून सलामीला आला होता. या काळात वृत्त लिहिपर्यंत त्याने ३९ चेंडूत १०१ धावा केल्या होत्या. अभिषेकच्या या खेळीत ५ चौकार आणि १० षटकारांचा समावेश होता. अभिषेकमुळे टीम इंडियाला स्फोटक सुरुवात झाली. पॉवरप्लेदरम्यानच अभिषेकने अर्धशतक पूर्ण केले होते. यानंतर त्याने सामन्याच्या ११व्या षटकात आपले शतक पूर्ण केले.

अभिषेकचे टी-20 मध्ये दुसरं शतक

अभिषेकचे हे टी-20 आंतरराष्ट्रीय क्रिकेटमधील दुसरे शतक आहे. रोहित शर्माने या फॉरमॅटमध्ये भारतासाठी सर्वाधिक शतके झळकावली आहेत. रोहितने ५ शतके झळकावली आहेत. सूर्यकुमार यादव ४ शतकांसह दुसऱ्या स्थानावर आहे. संजू सॅमसनने टीम इंडियासाठी ३ शतके झळकावली आहेत. तिलक वर्मा, केएल राहुल आणि अभिषेक यांनी प्रत्येकी दोन शतके झळकावली आहेत.

भारतासाठी सर्वात जलद T20 आंतरराष्ट्रीय शतक झळकावण्याचा विक्रम रोहित शर्मा याच्या नावावर आहे. रोहितने २०१७ मध्ये श्रीलंकेविरुद्ध ३५ चेंडूत शतक झळकावले होते. मात्र, अभिषेक हा विक्रम मोडू शकला नाही. सिकंदर रझाने झिम्बाब्वेविरुद्ध ३३ चेंडूत शतक झळकावले आहे. त्याने गांबियाविरुद्ध शतक झळकावले होते. दक्षिण आफ्रिकेच्या डेव्हिड मिलरने ३५ चेंडूत शतक झळकावले आहे.

दोन्ही प्लेइंग इलेव्हन

इंग्लंड प्लेइंग इलेव्हन- फिलिप सॉल्ट (विकेटकीपर), बेन डकेट, जोस बटलर (कर्णधार), हॅरी ब्रूक, लियाम लिव्हिंगस्टोन, जेकब बेथेल, ब्रीडन कार्स, जेमी ओव्हरटन, जोफ्री आर्चर, आदिल रशीद, मार्क वुड.

भारताची प्लेइंग इलेव्हन: संजू सॅमसन (यष्टीरक्षक), अभिषेक शर्मा, तिलक वर्मा, सूर्यकुमार यादव (कर्णधार), रिंकू सिंग, शिवम दुबे, हार्दिक पंड्या, अक्षर पटेल, रवी बिश्नोई, मोहम्मद शमी, वरुण चक्रवर्ती.

Whats_app_banner

संबंधित बातम्या