IPL Records : १६ वर्षांची झाली आयपीएल, स्पर्धेचा पहिला षटकार आणि चौकार कोणी मारला माहितीय का? पाहा
16 Years Of IPL : आयपीएलचा आज १६ वा वर्धापन दिन आहे. लीगच्या पहिल्याच सामन्यात केकेआरकडून सलामीला आलेल्या ब्रेंडन मॅक्क्युलमने ७३ चेंडूत १५८ धावा फटकावल्या होत्या. IPL चा पहिला षटकार आणि पहिला चौकार त्याच्याच बॅटमधून आला.
क्रिकेटची सर्वात मोठी लीग इंडियन प्रीमियर लीग आज १६ वर्षांची झाली आहे. आयपीएलचा आज (१८ एप्रिल) १६ वा वर्धापन दिन आहे. ही लीग १८ एप्रिल २००८ रोजी सुरू झाली होती. १६ वर्षांनंतर या लीगने आज सर्वांच्या मनात स्थान निर्माण केले आहे.
आयपीएलचा पहिला सामना २००८ मध्ये कोलकाता नाईट रायडर्स (KKR) आणि रॉयल चॅलेंजर्स बंगळुरू (RCB) यांच्यात झाला होता. हा सामना एम. चिन्नास्वामी स्टेडियमवर खेळला गेला.
पहिल्याच सामन्यात ब्रेंडन मॅक्क्युलमने १५८ धावा ठोकल्या
पहिल्याच सामन्यात केकेआरकडून सलामीला आलेल्या ब्रेंडन मॅक्क्युलमने (Brendon Mccullum) ७३ चेंडूत १५८ धावांची नाबाद खेळी केली. आयपीएलएचा पहिला षटकार आणि पहिला चौकार त्याच्याच बॅटमधून आला.
मॅक्युलमने सामन्याच्या दुसऱ्याच षटकाच्या चौथ्या चेंडूवर पहिला षटकार मारला. त्याचवेळी या षटकात मोसमातील पहिला चौकारही आला. त्याचवेळी मोसमातील पहिला चौकार आणि षटकार भारतीय गोलंदाज झहीर खानने खाल्ला होता. या सामन्यात मॅक्युलमला प्लेअर ऑफ द मॅचचा पुरस्कार देण्यात आला.
आरसीबीचा दारुण पराभव झाला
या सामन्यात केकेआरचे नेतृत्व सौरव गांगुलीने केले होते. त्याच वेळी राहुल द्रविड आरसीबीचा कर्णधार होता. या सामन्यात केकेआरने तीन गडी गमावून २२२ धावा केल्या होत्या. त्याचवेळी आरसीबी संघाला १५.१ षटकात ८२ धावाच करता आल्या. केकेआरने हा सामना १४० धावांनी जिंकला.
राजस्थान रॉयल्स पहिला चॅम्पियन ठरला
तर, राजस्थान रॉयल्स हा पहिल्या आयपीएलचा जेता ठेरला होता. ऑस्ट्रेलियाचा दिवंगत लेगस्पिनर शेन वॉर्नच्या नेतृत्वाखालील राजस्थान रॉयल्स संघाने अंतिम सामन्यात चेन्नई सुपर किंग्जचा तीन गडी राखून पराभव केला होता.