वाऱ्याच्या वेगानं पळाला शेअर! अवघ्या ४ वर्षांत १ लाखाचे एक कोटी केले! तुमच्याकडं आहे का?

बिर्ला समूहाची कंपनी एक्सप्रो इंडियाचा शेअर १ ऑक्टोबर २०२० रोजी १४.१० रुपयांवर होता. त्यावेळी एखाद्या व्यक्तीने कंपनीच्या शेअर्समध्ये एक लाख रुपयांची गुंतवणूक केली असती तर त्याला एक्सप्रो इंडियाचे ७०९२ शेअर्स मिळाले असते. कंपनीने जुलै २०२२ मध्ये १:२ या प्रमाणात बोनस शेअर दिले आहेत. म्हणजेच कंपनीने प्रत्येक २ शेअरमागे १ बोनस शेअर दिला आहे. बोनस समभाग जोडल्यास एक लाख रुपयांपासून खरेदी केलेल्या समभागांची एकूण संख्या १०,६३८ इतकी होईल. एक्सप्रो इंडियाचा शेअर ३१ ऑक्टोबर २०२४ रोजी १०९६.९५ रुपयांवर बंद झाला. सध्याच्या शेअरच्या किमतीनुसार १०,६३८ शेअर्सचे सध्याचे मूल्य १.१६ कोटी रुपये आहे.

पाच वर्षांत कशी झाली शेअरची वाटचाल?

एक्सप्रो इंडियाच्या शेअरमध्ये गेल्या ५ वर्षात ६५०८ टक्के वाढ झाली आहे. १ नोव्हेंबर २०१९ रोजी कंपनीचा शेअर १६.६० रुपयांवर होता. बिर्ला समूहाच्या या कंपनीचा शेअर ३१ ऑक्टोबर २०२४ रोजी १०९६.९५ रुपयांवर बंद झाला. तर गेल्या ३ वर्षात या शेअरमध्ये १९० टक्क्यांनी वाढ झाली आहे. २९ ऑक्टोबर २०२१ रोजी कंपनीचा शेअर ३७९.२० रुपयांवर होता. ३१ ऑक्टोबर २०२४ रोजी कंपनीचा शेअर १०९६.९५ रुपयांवर बंद झाला. कंपनीचा ५२ आठवड्यांचा उच्चांक १२९५.५० रुपये आहे. तर, कंपनीच्या शेअर्सची ५२ आठवड्यांची नीचांकी पातळी ८६१ रुपये आहे.

(डिस्क्लेमर: हे वृत्त केवळ माहितीपर आहे. हा कोणत्याही प्रकारच्या गुंतवणुकीचा सल्ला नाही. त्यामुळं गुंतवणूक करण्याआधी आर्थिक सल्लागाराशी चर्चा करा.)