रेडमीचा 'हा' 5G फोन उद्या होतोय लॉन्च, कमी किंमतीत मिळणार टॉप क्लास फीचर्स, 'या' दिवशी पहिला सेल!
Smartphones Under 10000: दमदार फीचर्ससह रेडमीचा नवा स्मार्टफोन अवघ्या दहा हजारात बाजारात लॉन्च होत आहे.
Redmi A4 5G Price and Features: शाओमी उद्या म्हणजेच २० नोव्हेंबर रोजी दुपारी १२ वाजता भारतात रेडमी ए४ 5G फोन लॉन्च करणार आहे. रेडमी ए४ 5G भारतात गेल्या महिन्यात मोबाइल वर्ल्ड काँग्रेसमध्ये लॉन्च करण्यात आला होता. रेडमी ए४ 5G हा रेडमी ए ३ चा उत्तराधिकारी असेल. शाओमीने mi.com वर रेडमी ए४ 5G साठी अधिकृत इव्हेंट पेज तयार केले आहे. रेडमी ए४ ची टक्कर पोको एम ६ 5G, आयटेल पी ५५ 5G, मोटो जी ०४ एस 5G आणि आयक्यूओ झेड ९ लाइट 5G शी होईल. रेडमी ए४ 5G भारतात कंपनीच्या अधिकृत वेबसाइट आणि अ‍ॅमेझॉनच्या माध्यमातून विक्रीसाठी उपलब्ध असेल. हा फोन २७ नोव्हेंबरपासून विक्रीसाठी उपलब्ध होणार आहे.
रेडमी ए४ 5G किंमत
रिपोर्ट्सनुसार, भारतात रेडमी ए४ 5G ची किंमत १० हजार रुपयांपेक्षा कमी असेल. रेडमी ए४ 5G ब्लॅक आणि लाइट पर्पल या दोन कलर ऑप्शनमध्ये लॉन्च करण्यात येणार आहे. याशिवाय, या फोनमध्ये ग्राहकांना 'हॅलो ग्लास' बॅक मिळणार असल्याचे कन्फर्म करण्यात आला आहे. स्मार्टप्रिक्सच्या रिपोर्टनुसार, रेडमी ए४ च्या ४ जीबी रॅम+ १२८ जीबी स्टोरेज मॉडेलची किंमत बँक ऑफरसह ८ हजार ४९९ रुपये असू शकते. म्हणजेच ऑफरशिवाय बेस व्हेरियंटची किंमत आणखी जास्त असू शकते.
रेडमी ए ४ 5G: फिचर्स आणि स्पेसिफिकेशन्स
लीक झालेल्या माहितीनुसार, रेडमी ए४ 5G हा ४ एनएम स्नॅपड्रॅगन ४ एस जेन २ प्रोसेसरसह येईल. नव्या चिपमध्ये कॉर्टेक्स ए ७८ चा वापर करण्यात आला आहे. फोनमध्ये ५००० एमएएच क्षमतेची बॅटरी असू शकते. रेडमी ए १८ वर १० वॅट अ‍ॅडाप्टरसह चार्जिंग स्पीड ३ वॅटपर्यंत वाढवता येऊ शकते. फोनच्या फ्रंटमध्ये ६.७ इंचाचा एचडी+ ९० हर्ट्झ एलसीडी पॅनेल असू शकतो. कॅमेऱ्याबद्दल बोलायचे झाले तर फोनच्या मागील बाजूस ५० मेगापिक्सेलचा मुख्य कॅमेरा आणि सेकंडरी शूटर असू शकतो. सेल्फी आणि व्हिडिओ कॉलसाठी ८ मेगापिक्सलचा सेन्सर मिळू शकतो. हे सर्व फीचर्स सध्या लीकवर आधारित आहेत, फोन लाँच झाल्यावरच अचूक माहिती मिळेल. दरम्यान, १० हजारांपेक्षा किमी किंमतीत अधिक फीचर असलेला स्मार्टफोन खरेदी करण्याचा विचार करत असलेल्या ग्राहकांसाठी हा फोन चांगला पर्याय ठरू शकतो.
