Stocks to Buy : मारुती, कोल इंडियासह टाटा समूहाचे हे तीन शेअर्स का आहेत चर्चेत?

कोल इंडिया

बोर्डाने कोळशाच्या दरात प्रतिटन १० रुपयांची वाढ करण्यास मंजुरी दिली आहे. नॉन कोकिंग कोळशाची किंमत आता प्रतिटन १० ते २० रुपये झाली आहे, तर कोकिंग कोळशाची किंमत प्रतिटन १० रुपये कायम राहणार आहे. ही दरवाढ कोल इंडिया लिमिटेडच्या (सीआयएल) रेग्युलेटेड आणि नॉन-रेग्युलेटेड अशा दोन्ही क्षेत्रांना लागू होईल आणि १६ एप्रिलपासून लागू होईल.

टाटा मोटर्सने

मार्चमध्ये एकूण ९२,९९४ वाहनांची विक्री नोंदवली, जी गेल्या वर्षीच्या तुलनेत किंचित जास्त आहे. तर देशांतर्गत विक्री ९०,५०० युनिटवर स्थिर राहिली. टाटा मोटर्सचा शेअर मंगळवारी ०.३६ टक्क्यांनी घसरून ६७२ रुपयांवर बंद झाला.

टाटा स्टील

कंपनीने इंडियन फाऊंडेशन फॉर क्वालिटी मॅनेजमेंटचे (आयएफक्यूएम) १.२४ कोटी शेअर्स १२.४९ कोटी रुपयांना खरेदी केले आहेत. या खरेदीनंतर कंपनीचा हिस्सा ९.०९ टक्क्यांवरून १६.६६ टक्क्यांवर पोहोचला आहे. मंगळवारी टाटा स्टील0.64 टक्क्यांच्या घसरणीसह 153.25 रुपयांवर बंद झाला.

वैभव ग्लोबल

इन्कम टॅक्स विभागाने २०२२-२३ साठी जयपूर येथून एक मसुदा मूल्यांकन आदेश जारी केला आहे, ज्यात हस्तांतरण किंमतीशी संबंधित २०४.८६ कोटी रुपयांच्या समायोजनाचा प्रस्ताव आहे. अंतिम आदेश येईपर्यंत परिणामाचा अचूक अंदाज बांधता येत नसला तरी त्याचा मोठा आर्थिक परिणाम होणार नाही, असे कंपनीला वाटते. मंगळवारी शेअर बाजारात उलथापालथ होऊनही हा शेअर ३.६६ टक्क्यांच्या वाढीसह २२७ रुपयांवर बंद झाला.

टाटा कन्झ्युमर प्रॉडक्ट्स

2021-22 साठी कर विभागाने व्याजासह 262.08 कोटी रुपयांची कर नोटीस पाठवली आहे. मात्र, कंपनीला ही मागणी रास्त वाटत नसून त्याविरोधात दाद मागण्याची तयारी सुरू आहे. काल हा शेअर जवळपास 1 टक्क्यांनी घसरून 992.40 रुपयांवर बंद झाला.

झगल प्रीपेड ओशन सर्व्हिसेस

कंपनीने ट्रूकॉलर इंटरनॅशनल एलएलपीसोबत मास्टर सर्व्हिसेस करार केला आहे. या अंतर्गत कर्मचारी खर्च व्यवस्थापन आणि लाभांसाठी झगल सेव्ह प्लॅटफॉर्म एक वर्षासाठी उपलब्ध करून देण्यात येणार आहे.

सिमेन्स

नॅशनल कंपनी लॉ ट्रिब्युनलने (एनसीएलटी) सीमेंस आणि सिमेन्स एनर्जी इंडिया यांच्यातील विलिनीकरण योजनेला मंजुरी दिली आहे. यामुळे आता सीमेंसचा ऊर्जा व्यवसाय सीमेंस एनर्जी इंडियामध्ये विलीन होणार आहे.

एसजेव्हीएन एसजेव्हीएनची उपकंपनी एसजेव्हीएन ग्रीन एनर्जीने 1,000 मेगावॅट च्या बिकानेर सौर ऊर्जा प्रकल्पाच्या पहिल्या टप्प्याची (241.77 मेगावॅट) चाचणी यशस्वीरित्या पूर्ण केली आहे. मंगळवारी हा शेअर किरकोळ घसरणीसह ९१.५५ रुपयांवर बंद झाला.

मारुती सुझुकी इंडियाने

मार्चमध्ये 1,94,901 वाहनांचे उत्पादन केले, जे मागील वर्षीच्या याच महिन्याच्या तुलनेत 16.9 टक्क्यांनी अधिक आहे. मंगळवारी मारुतीचा शेअर 0.58 टक्क्यांनी घसरून 11,455.25 रुपयांवर बंद झाला.

स्विगीला

१५८.२५ कोटी रुपयांच्या कर नोटीसला सामोरे जावे लागले आहे. या नोटिशीचा परिणाम आज त्याच्या शेअर्सवर दिसू शकतो. मंगळवारी घसरणीच्या बाजारातही स्विगी तेजीसह ३३१.०५ रुपयांवर बंद झाली.