share market : शेअर बाजार आज इतका का उसळलाय? आयटी, रिअ‍ॅलिटी आणि मीडिया स्टॉक्सनं केलीय कमाल

टेक कंपन्यांचं टेकऑफ

निफ्टी आयटीचे सर्व १० समभाग तेजीत आहेत. हा निर्देशांक १.७५ टक्क्यांनी वधारला आहे. यात एमफासिस ५ टक्क्यांपेक्षा जास्त वाढून २८६० रुपयांवर पोहोचला आहे. एलटीटीएस ४.५९ टक्क्यांनी वधारून ५१४२.७५ रुपयांवर आहे. कोफोर्ज २.८८ टक्के आणि विप्रो २.७६ टक्क्यांनी वधारला आहे. टीसीएस २.२१ टक्क्यांनी वधारून ४३९० रुपयांवर पोहोचला आहे. एलटीआय अँड माइंड ट्री २.११ टक्क्यांनी वधारून ५५४२ रुपयांवर आहे. पर्सिस्टंट शेअर्समध्ये १.८० टक्क्यांची वाढ झाली आहे. टेक महिंद्राचे शेअरही १.३५ टक्क्यांनी वधारले आहेत. एचसीएल टेक १.२९ टक्के आणि इन्फोसिस ०.८४ टक्क्यांनी वधारला आहे.

रिअ‍ॅलिटी क्षेत्रात किती तेजी?

रिअ‍ॅलिटी निर्देशांक १.७४ टक्क्यांनी वधारला आहे. डीएलएफ ३.८२ टक्क्यांनी वधारून ८५३.०५ रुपयांवर पोहोचला. ओबेरॉय रियल्टीमध्ये १.७५ टक्के वाढ झाली आहे. गोदरेज प्रॉपर्टी १.६४ टक्क्यांनी वधारून २९२०.९० रुपयांवर पोहोचली आहे. सनटेक १.६० टक्क्यांनी वधारला आहे. शोभा १.४२ टक्के, लोढा १.३३ टक्के आणि प्रेस्टीज १.२६ टक्क्यांनी वधारले आहेत. महिंद्रा लाइफ, ब्रिगेड आणि फिनिक्स मध्येही तेजी आहे.

हेही वाचा: 'या' कंपनीच्या आयपीओनं कमालच केली! पहिल्याच दिवशी गुंतवणूकदारांचे पैसे दुप्पट, तुम्हाला लागलाय का?

मीडिया कंपन्यांचाही बोलबाला

निफ्टी मीडिया इंडेक्सचे १० पैकी ७ शेअर्स ग्रीन मार्कवर आहेत. पीव्हीआर आयनॉक्स ४ टक्क्यांहून अधिक वधारला आहे. टिप्स इंडिया ३.५४ टक्के, सारेगामा २.५१ टक्के, झी ०.८६ टक्के आणि नझारा ०.७४ टक्क्यांनी वधारला आहे. नेटवर्क १८ आणि डिश टीव्हीदेखील सकारात्मक वाटचाल करत आहेत.

सेन्सेक्स, निफ्टीची आताची स्थिती काय?

दुपारी १२ वाजण्याच्या सुमारास सेन्सेक्स ७०० अंकांनी वाढून व्यवहार करत असून ८० हजारच्या जवळपास पोहोचला आहे. तर निफ्टी २०० हून अधिक अंकांनी वाढून २४३५० पर्यंत पोहोचला आहे.

(डिस्क्लेमर: हे वृत्त माहितीपर आहे. हा कोणत्याही प्रकारचा गुंतवणुकीचा सल्ला नाही. शेअर बाजारातील गुंतवणुकीत जोखीम असते. त्यामुळं गुंतवणुकीचा कोणताही निर्णय घेण्याआधी आपल्या आर्थिक सल्लागाराशी चर्चा करावी.)