सर्वात जास्त पर्सनल लोन कोणत्या उत्पन्न गटातील लोक घेतात? किती असतं त्यांचं वार्षिक उत्पन्न? वाचा!

रिझर्व्ह बँक ऑफ इंडियाची ही आकडेवारी आहे. 'देशातील मध्यम आणि उच्च उत्पन्न गटातील लोकांवर कर्जाचा बोजा वाढत आहे. गेल्या तीन वर्षांत ५ ते १५ लाख आणि १५ लाख रुपयांपेक्षा अधिक वार्षिक उत्पन्न गटातील लोकांच्या थकीत वैयक्तिक कर्जाचं प्रमाण वाढलं आहे. या दोन वर्गातील थकित वैयक्तिक कर्जाचा वाटा सुमारे ११ टक्क्यांनी वाढला आहे.

कुठे अडकलेत सर्वाधिक पैसे?

रिझर्व्ह बँकेनं जाहीर केलेल्या डिसेंबर २०२४ च्या वित्तीय स्थैर्य अहवालानुसार, गेल्या तीन वर्षांत ५ ते १५ लाखांच्या उत्पन्न गटातील वैयक्तिक थकित कर्जाचा आकडा सप्टेंबर २०२४ पर्यंत ११ टक्क्यांनी वाढला आहे. १५ लाखांपेक्षा अधिक उत्पन्न असणाऱ्यांचा वाटा ९ टक्क्यांनी वाढला आहे. तर, ५ लाख रुपयांपर्यंतच्या वार्षिक उत्पन्न गटातील लोकांच्या थकीत कर्जाचा हिस्सा केवळ एक टक्क्यानं वाढला आहे. बँकांची बहुतांश असुरक्षित वैयक्तिक कर्जे या उत्पन्न गटातील लोकांकडं अडकली आहेत. त्याचप्रमाणं ज्यांचं नियमित उत्पन्न नाही, त्यांच्या थकीत कर्जात २० टक्क्यांनी घट झाली आहे.

हेही वाचा: मोफत शेअर मिळण्याची शक्यता दिसताच मिडकॅप कंपनीचा स्टॉक उसळला! किती झाला भाव?

बँका झाल्या सावध

गेल्या तीन वर्षांत नियमित उत्पन्न नसलेल्यांना कर्ज देताना बँकांनी सावधगिरी बाळगली आहे. अशा लोकांना बँकांकडून अनेकदा अल्प कालावधीसाठी अल्प रकमेचं कर्ज दिलं जातं. आरबीआयनं देखील बँकांना अशा कर्जांबाबत सावध राहण्यास सांगितलं होतं, त्यानंतर बँकांनी छोट्या कर्जाची वसुली वाढवली आणि नवीन कर्ज देताना खूप काळजी घेतली.

पाच लाख उत्पन्न असणाऱ्यांची थकबाकी जास्त

पाच लाखांपेक्षा कमी उत्पन्न गटातील लोकांकडं सर्वाधिक असुरक्षित वैयक्तिक कर्ज आहे. मार्च ते सप्टेंबर २०२४ या कालावधीत हा आकडा किंचितही कमी झालेला नाही. मार्चमध्येही सुमारे ४२ टक्के असुरक्षित कर्जे या उत्पन्न गटातील लोकांकडं होती आणि सप्टेंबरमध्ये तेवढीच बुडीत कर्जे देण्यात आली होती. मात्र, मार्च २०२३ मध्ये हे कर्ज ५२ टक्क्यांपेक्षा अधिक होतं. म्हणजेच गेल्या दीड वर्षात त्यात घट झाली आहे.

हेही वाचा: इंट्राडेसाठी आज हे ५ शेअर खरेदी करा! तज्ज्ञांनी सुचवली नावं

कोणत्या उत्पन्न वर्गात किती थकबाकी (आकडे टक्केवारीत)

वर्ष…………. ५ लाखांपेक्षा कमी……… ५-१५ लाख……..  १५ लाखांपेक्षा जास्त

मार्च २०२२………. ४२ ………………………….. ३७………………..१०

मार्च २०२३………. ५२………………………… ४२………………… १२

मार्च २०२४………. ४२……………….. ३२…………………………. ८

सप्टेंबर २०२४…….. ४२……………….. ३२…………………………. ८