Vi share : व्होडाफोन आयडियाचा शेअर लोक अचानक का घेऊ लागलेत? बोर्ड मिटिंगमध्ये झालेला निर्णय कारणीभूत

बीएसईवर व्होडाफोन आयडियाचे शेअर्स आज ८.२५ रुपयांच्या पातळीवर उघडले. काही काळानंतर ही किंमत ८.२९ रुपयांच्या पातळीवर पोहोचली. मात्र, त्यानंतर शेअर्समध्ये घसरण होऊन ते ८.०९ रुपयांपर्यंत खाली आले.

हेही वाचा : कंपनीच्या नावातच धन आणि लक्ष्मी आहे! ही संधी सोडू नका! आयपीओ आजपासून खुला

संचालक मंडळाच्या बैठकीत काय निर्णय झाला?

व्होडाफोन आयडियाच्या संचालक मंडळानं घेतलेल्या निर्णयाची माहिती शेअर बाजाराला देण्यात आली आहे. त्यानुसार, १० रुपयांच्या अंकित मूल्याचे १,७५५,३१९,१४८ इक्विटी शेअर्स १.२८ रुपये प्रति शेअरच्या इक्विटी प्रीमियमसह ११.२८ रुपये प्रति शेअर इश्यू प्राइसवर जारी करण्यास मान्यता देण्यात आली. ओमेगा टेलिकॉम होल्डिंग्स प्रायव्हेट लिमिटेड (१,२८० कोटी रुपयांपर्यंत) आणि उषा मार्टिन टेलिमॅटिक्स लिमिटेड (७०० कोटी रुपयांपर्यंत) या व्होडाफोन समूहाच्या संस्था आणि प्रवर्तकांना एकूण १,९८० कोटी रुपयांचे समभाग देण्यात येणार आहेत. प्रेफरेंशियल इश्यूची किमान किंमत निश्चित करण्याची तारीख ६ डिसेंबर २०२४ आहे. या निर्णयाला मंजुरी देण्यासाठी ७ जानेवारी २०२५ रोजी कंपनीची विशेष सर्वसाधारण सभा होणार आहे.

हेही वाचा : अनेक अडथळ्यांवर मात करत पेटीएमच्या शेअरनं ओलांडला १००० चा टप्पा! ५२ आठवड्यांचा उच्चांक गाठला

शेअरची वाटचाल कशी?

व्होडाफोन आयडियाच्या शेअर्ससाठी गेले एक वर्ष चांगलं गेलं नाही. या काळात कंपनीच्या शेअर्सच्या किमती तब्बल ३७ टक्क्यांनी घसरल्या आहेत. तर २०२४ मध्ये कंपनीची कामगिरी खराब झाली आहे. या वर्षी हा शेअर ५२ टक्क्यांनी घसरला आहे. व्होडाफोन आयडियाच्या शेअरमध्ये गेल्या ५ वर्षांत केवळ २३ टक्के वाढ झाली आहे. त्यापेक्षा जास्त परतावा बीएसई सेन्सेक्सनं दिला आहे. बीएसई निर्देशांकानं १०२ टक्के परतावा दिला आहे.

(डिस्क्लेमर: हे वृत्त केवळ माहितीपर आहे. तज्ज्ञांनी व्यक्त केलेली मतं व शिफारशी त्यांच्या वैयक्तिक आहेत. हिंदुस्तान टाइम्स मराठी कोणत्याही प्रकारच्या गुंतवणुकीचा सल्ला देत नाही. त्यामुळं गुंतवणूक करण्याआधी आर्थिक सल्लागाराशी चर्चा करा.)