Stock To Watch : सांडपाणी प्रक्रिया प्रकल्पासाठी कंपनीला सौदी अरेबियात मिळाली ३२५१ कोटींची ऑर्डर, आता शेअरवर नजर
Va Tech Wabag News : वा टेक वाबागनं या कंपनीला सौदी अरेबियातील सांडपाणी प्रक्रिया प्रकल्पासाठी ३२५१ कोटींची ऑर्डर मिळाली आहे. त्यामुळं येणाऱ्या आठवड्यात हा शेअर फोकसमध्ये राहील.
Stock To Watch : जलशुद्धीकरण व सांडपाणी प्रक्रिया क्षेत्रातील बहुराष्ट्रीय कंपनी व्हीए टेक वाबागनं तब्बल (३७१ डॉलर) ३२५१ कोटी रुपयांचं कंत्राट मिळवलं आहे. सौदी अरेबियातील रियाध इथं २०० मेगालिटर प्रतिदिन (MLD) स्वतंत्र सांडपाणी प्रक्रिया प्रकल्प (ISTP) विकसित करण्यासाठी ही ऑर्डर मिळाली आहे. त्यामुळं सोमवारपासून या शेअरवर गुंतवणूकदारांची नजर असेल.
कंपनीनं स्वत: रविवार, ९ फेब्रुवारी २०२५ रोजी ही माहिती दिली आहे. या प्रकल्पासाठी वा टेक वाबाग ही कंपनी मियाहोना, माराफिक आणि एनव्ही बेसिक्स एसए या कंपन्यांसोबत सहकार्य करणार आहे. हा प्रकल्प सांडपाणी प्रक्रिया आणि रहिवाशांचं जीवनमान सुधारण्याच्या सौदी अरेबियाच्या व्हिजन २०३० चा एक भाग आहे.
वाबाग या प्रकल्पातील इंजिनीअरिंग, खरेदी आणि बांधकाम (EPC) कंसोर्टियममध्ये तंत्रज्ञान भागीदार आणि लीडर म्हणून कार्य करेल. स्वतत्र सांडपाणी प्रक्रिया प्रकल्पाचं डिझाइन आणि बांधकामाची जबाबदारी वाबागकडे असेल, तर मुतलक अल-घोवारी कॉन्ट्रॅक्टिंग कंपनी (MGC) ट्रान्समिशन पाइपलाइन आणि जलाशय बांधकाम हाताळेल.
कशी आहे शेअरची वाटचाल?
गेल्या पाच दिवसांत कंपनीचे शेअर्स तीन टक्क्यांनी वधारले असून एका महिन्यात आठ टक्क्यांनी घसरले आहेत. सहा महिन्यांत त्यात १० टक्के आणि यंदा आतापर्यंत १७ टक्के वाढ झाली आहे. मात्र, वर्षभरात हा शेअर १०५ टक्क्यांनी वधारला आहे. पाच वर्षांत त्यात ६०० टक्क्यांपर्यंत वाढ झाली आहे. कंपनीच्या शेअरची ५२ आठवड्यांतील उच्चांकी किंमत ५९४.८० रुपये आणि ५२ आठवड्यांची नीचांकी किंमत २५२.६८ रुपये आहे. कंपनीचं मार्केट कॅप ६,५९५ कोटी रुपये आहे. सध्या हा शेअर १३९२.२० रुपयांवर ट्रेड करत आहे.
(डिस्क्लेमर: हे वृत्त केवळ माहितीपर आहे. तज्ज्ञांची मतं, सूचना व शिफारशी त्यांच्या वैयक्तिक आहेत. हिंदुस्तान टाइम्स मराठी कोणत्याही प्रकारच्या गुंतवणुकीचा सल्ला देत नाही. त्यामुळं गुंतवणूक करण्याआधी आर्थिक सल्लागाराशी चर्चा करा.)
Ganesh Pandurang Kadam
संबंधित बातम्या