Smartphones: पुढील आठवड्यात लॉन्च होतायेत 'हे' फोन; यादीत मोटोरोला, विवो, रेडमी आणि रियलमीचा समावेश
Upcoming Smartphone Next Week: पुढील आठवड्यात अनेक शानदार स्मार्टफोन बाजारात दाखल होणार आहेत, यात मोटोरोला, विवो, रेडमी आणि रियलमीचा समावेश आहे.
Upcoming Smartphones: जर तुम्ही नवीन स्मार्टफोन खरेदी करण्याचा विचार करत असाल तर पुढच्या आठवड्यापर्यंत थांबायला पाहिजे. पुढील आठवड्यात अनेक शानदार स्मार्टफोन बाजारात दाखल होणार आहेत. यामध्ये रेडमी नोट १४ सीरिज, मोटोरोला जी ३५ सह विवो एक्स २०० सीरिज आणि रियलमी निओ ७ चा समावेश आहे. या फोनमध्ये कंपनी उत्तम डिस्प्ले आणि प्रोसेसर देणार आहे.
रेडमी नोट १४ सीरिज
येत्या ९ डिसेंबरला भारतात लॉन्च होणार आहे. कंपनी या सीरिजमध्ये रेडमी नोट १४, रेडमी नोट १४ प्रो आणि रेडमी नोट १४ प्रो प्लस असे तीन फोन ऑफर करणार आहे. ही उपकरणे चीनमध्ये दाखल करण्यात आली आहेत. सीरिजच्या प्रो प्लस व्हेरियंटमध्ये तुम्हाला टॉप-एंड फीचर्स मिळतील. यामध्ये कंपनी 1.5 के रिझोल्यूशनसह १२० हर्ट्झ रिफ्रेश रेटअसलेला ओएलईडी डिस्प्ले देत आहे. प्रोसेसर म्हणून यात स्नॅपड्रॅगन ७ एस जेन ३ चिपसेट पाहायला मिळेल. प्रो प्लस व्हेरियंटमध्ये कंपनी ५० मेगापिक्सलचा २.५ एक्स टेलिफोटो कॅमेरा देणार आहे. सीरिजच्या प्रो व्हेरियंटबद्दल बोलायचे झाले तर, यात तुम्हाला डायमेंसिटी ७३०० अल्ट्रा प्रोसेसर मिळेल. यात कंपनी टेलिफोटो कॅमेरा देत नाही. जर तुम्ही व्हॅनिला व्हेरियंट घेण्याचा विचार करत असाल तर तुम्हाला डायमेंसिटी ७०२५ अल्ट्रा प्रोसेसर आणि फुल एचडी+ रिझोल्यूशनसह १२० हर्ट्झ ओएलईडी डिस्प्ले मिळेल.
रियलमी निओ ७
चीनमध्ये ११ डिसेंबरला लॉन्च होणार आहे. कंपनी या फोनमध्ये ६.७८ इंचाचा १.५ के एलटीपीओ डिस्प्ले देणार आहे. हा डिस्प्ले १२० हर्ट्झच्या रिफ्रेश रेटला सपोर्ट करेल. प्रोसेसर म्हणून कंपनी या फोनमध्ये डायमेंसिटी ९३०० प्लस चिपसेट देणार आहे. फोटोग्राफीसाठी फोनमध्ये एलईडी फ्लॅशसह दोन कॅमेरे मिळतील. यामध्ये ५० मेगापिक्सलच्या मेन लेन्ससह ८ मेगापिक्सलचा कॅमेरा देण्यात आला आहे. फोनमध्ये ८० वॅट वायर्ड फास्ट चार्जिंग सपोर्टसह ७००० एमएएच बॅटरी देण्यात आली आहे. हा फोन ब्लॅक, व्हाईट आणि ब्लू अशा तीन कलर ऑप्शनमध्ये उपलब्ध आहे.
मोटोरोला जी ३५
मोटोरोलाचा हा फोन १० डिसेंबरला भारतात दाखल होणार आहे. हा नवा फोन काही मार्केटमध्ये लॉन्च करण्यात आला आहे. फीचर्सबद्दल बोलायचे झाले तर मोटोरोलाच्या या फोनमध्ये तुम्हाला १२० हर्ट्झच्या रिफ्रेश रेटसह ६.७२ इंचाचा डिस्प्ले मिळेल. प्रोसेसर म्हणून कंपनी या फोनमध्ये युनिसॉक टी ७६० ऑफर करणार आहे. फोनचा मुख्य कॅमेरा ५० मेगापिक्सलचा आहे. डिव्हाइसमध्ये देण्यात आलेली बॅटरी ५००० एमएएच ची आहे, जी १८ वॅट चार्जिंगला सपोर्ट करते. बायोमेट्रिक सुरक्षेसाठी कंपनी या फोनमध्ये साइड माउंटेड फिंगरप्रिंट सेन्सर देणार आहे.
विवो एक्स २०० सीरिजचा
विवो एक्स २०० सीरिजचा फोन भारतात १२ डिसेंबरला लॉन्च होणार आहे. कंपनी या सीरिजमध्ये दोन फोन ऑफर करणार आहे. विवो एक्स २०० आणि विवो एक्स २०० प्रो अशी त्यांची नावे आहेत. दोन्ही फोनमध्ये तुम्हाला डायमेंसिटी ९४०० चिपसेट मिळेल. सेल्फीसाठी या डिव्हाइसमध्ये ३२ मेगापिक्सलचा सेल्फी कॅमेरा देण्यात आला आहे. बेस व्हेरियंटमध्ये कारवी ५० मेगापिक्सलचा टेलिफोटो सेन्सर देत आहे. तर, प्रो व्हेरियंटमध्ये हा फोन २०० मेगापिक्सलचा आहे. हे फोन ९० वॅट वायर्ड चार्जिंगला सपोर्ट करतात.
संबंधित बातम्या